Estás aquí:

Código: 2653

Os dominios de Caín

Caneiro, Xosé Carlos

17,75 € IVE INCLUIDO

Un libro de ensaios dun escritor é a porta de entrada máis directa á súa obra literaria, no caso de Os dominios de Caín, de Xosé Carlos Caneiro, o autor vai máis alá e fai un intenso alegato a prol da literatura. Con paixón pero tamén con rigor, Caneiro achégase ao universo literario, aos seus autores favoritos. Como dicía Borges, cada escritor inventa os seus propios precursores. Editorial Galaxia publica na súa colección de ensaios un libro que é unha auténtica confesión de amor, de amor á literatura.

A paixón do escritor pola literatura amósase tamén na súa paixón pola lectura. Neste libro de ensaios sobre estética e liberdade na literatura, Xosé Carlos Caneiro define o seu propio territorio literario, comparte cos lectores e lectoras todo un universo de lecturas, autores e personaxes, precisamente aqueles que configuran o que Caneiro define como "literatura a contracorrente". Fronte á "ditadura do simplismo", Os dominios de Caín constitúen unha defensa da literatura como maneira de entender a vida. O libro é unha interesante e polémica reflexión sobre o destino da literatura, sobre a función do escritor e a arte literaria, sobre as relacións entre estética e mercado e sobre a literatura como liberación.

Os dominios de Caín son unha lectura orixinal, persoal, non exenta de paixón, da tradición literaria, unha tradición na que, para Xosé Carlos Caneiro, Joyce comparte espazo con Otero Pedrayo, Borges con Risco e Cunqueiro con Cela. Un libro para gozar da literatura, para intentar comprendela, para abranguela na súa complexidade pero, sobre todo, para incitar a ler máis.

Comparte nas túas redes sociais ou por email

Detalles do libro

Páxinas: 188

Deseño: Rústica con lapelas

Data Publicación: 26/07/2006

Dimensións 21 x 14 mm.

Colección: Ensaio

Nº na colección:

Edición: 1ª

Editorial: Galaxia

ISBN: 978-84-8288-933-7

Observacións:

AUTORES/AS

Caneiro, Xosé Carlos

(Verín, 1963). É licenciado en Xeografía e Historia e en Filoloxía. Como poeta publicou os libros Da túa ausencia (1991, premio Celso Emilio Ferreiro), Estación Sur (1992, premio Cidade de Ourense), A valgada triste do amor (1997, premio Johán Carballeira) e ¿Aínda soñas con piratas? (1999). A súa obra narrativa, traducida parcialmente ao castelán, recibiu numerosos recoñecimentos. Iniciouna con O infortunio da soidade (1992, premio Xerais), á que seguiron Un xogo de apócrifos (1997, premio Torrente Ballester), Tal vez melancolía (1999, premio García Barros), Os séculos da lúa (1999), Ébora (2000, premios Blanco Amor e Eixo Atlántico), A rosa de Borges (2000, premio Vicente Risco de narrativa fantástica). En Galaxia ten publicado o libro de relatos Triloxía dos tristes (2001), a novela Ámote (2003), o ensaio sobre literatura Os dominios de Caín (2006), a novela A vida nova de Madame Bovary (2008) e Un último destino (2010).