Alfonso R. Castelao. A forxa dun mito
Menu
Menu
Introdución básica, aínda que completa e sistemática, ó complexo fenómeno da lírica galego-portuguesa medieval
O libro dedica unha especial atención ós tres poetas da ría de Vigo, Mendiño, Martín Códax e Johán de Cangas, homenaxeados no Día das Letras Galegas de 1998. Pero previamente describe o marco cultural e social no que actúan xograres e trobadores. A obra inclúe unha transcrición dos poemas dos tres autores, acompañados por unhas notas explicativas e unhas breves orientacións lingüísticas pensadas para facilitar a plena comprensión dos textos. O obxectivo final é familiarizar ós lectores con este rico mundo poético e que poidan gozar coa lectura destes fermosos textos.
Henrique Monteagudo (Esteiro, Muros, 1959). Doutor e catedrático de Filoloxía Galega na Universidade de Santiago de Compostela e investigador do Instituto da Lingua Galega, é académico numerario e vicesecretario da Real Academia Galega. Foi coordinador da Sección de Lingua e secretario do Consello da Cultura Galega. Dirixe Grial. Revista Galega de Cultura.
O seu traballo desenvólvese principalmente nos eidos da historia do idioma galego, os estudos sociolingüísticos, e a edición de textos galegos de todas as épocas. Desde a súa tese de doutoramento vén dedicando continuada atención á historiografía das ideas lingüísticas. É autor, entre outras obras, de Historia social da lingua galega (Galaxia, 1999; 3º edición de 2024), Castelao. Defensa e ilustración do idioma galego (Galaxia, 2000), Letras primeiras. O foral de Caldelas, a emerxencia do galego escrito e os primordios da lírica trobadoresca (2008), As razóns do galego. Apelo á cidadanía (Galaxia, 2009), Facer país co idioma. Sentido da normalización lingüística (2012) e O idioma galego baixo o franquismo (Galaxia, 2021)
