O retorno
Menu
Menu
Un dos actuais escritores alemáns de maior prestixio, escribe unha novela de prosa intensa, unha investigación subxugante en busca da verdade.
Os avós de Peter Debauer traballan como correctores para unha colección de literatura popular. Decote, o rapaz debuxa e fai os deberes no dorso dos folios corrixidos e un día dá en ler unha das historias. Intrigado, descobre na narración incompleta dun prisioneiro de guerra alemán retido en Siberia detalles que se relacionan estrañamente coa súa propia vida... Bernhard Schlink (Bielefeld, 1944), un dos actuais escritores alemáns de maior prestixio, escribe unha novela de prosa axustada e intensa, unha investigación subxugante en busca da verdade e en contra do silencio.
Bernhard Schlink (Bielefeld, 1944) é avogado e un dos actuais escritores alemáns de maior prestixio.
A súa carreira como escritor comezou con novelas policiais protagonizadas por un personaxe chamado Selbs (xogo de palabras con Eu Mesmo); a súa primeira novela titulouse Auto-castigo; a seguinte, O nó gordiano, gañou o premio Glauser en 1989. En 1995 publicou O lector (Der Vorleser), novela parcialmente autobiográfica. O libro converteuse nun bestseller en Alemania e foi traducido a 39 idiomas. Os seus seguintes títulos, Amores en fuga e O retorno, confirmaron o seu talento.
