13,40€

mercar

O curioso mundo das persoas normais

Xosé Monteagudo

A nova novela de Xosé Monteagudo conta unha
historia sorprendente, a dun home que pasa toda a súa vida pechado no cuarto dun hospital.

O autor de Un tipo listo, Premio García Barros 2009, debrúzase nesta nova novela na realidade contemplada por un personaxe condenado a unha existencia moi diferente á habitual.

Porque, cando os actos cotiáns responden a motivos absurdos, a normalidade convértese no máis sorprendente. Cunha boa dose de humor e ironía a última novela Xosé Monteagudo vai descubrindo devagar os múltiples paradoxos da existencia. Nun relato que percorre boa parte da historia do século vinte a través da mirada dun personaxe singular no que a tenrura convive coa agudeza e as limitacións do corpo coa liberdade máis furiosa do pensamento.

A novela está inspirada nunha historia real acontecida en Pontevedra mais non é esa mesma historia exactamente, tal como explica o autor ao final do libro: "En abril do 2010 diversos medios de comunicación deron a noticia de que un enfermo de 79 anos de idade acababa de falecer no Hospital Provincial de Pontevedra. A persoa en cuestión non tivera vida pública. O sorprendente do caso (e o motivo polo que a nova saltou aos medios) era que o falecido pasara os últimos setenta e sete anos da súa vida confinado entre as paredes do Hospital Provincial de Pontevedra." Ata aquí os trazos fundamentais da persoa na que está inspirado o personaxe principal de O curioso mundo das persoas normais, segundo conta o autor na nota final da novela, que parte desta historia real para contar unha historia de ficción a través da cal a realidade se contempla dun xeito diferente.

Recensións


Detalles

  • Páxinas : 136
  • Deseño : Rústica con lapelas
  • Dimensións : 135 x 210 mm.
  • Data Publicación : 2012-11-09
  • Colección : Literaria
  • Editorial : Galaxia
  • ISBN : 978-84-9865-459-2
  • Edición : 1

Noticias relacionadas

Sinatura de Xosé Monteagudo2012-12-18 09:22:42

Obras do autor en catálogo

Eternity15,50€

Actividades relacionadas

Sinatura de Xosé Monteagudo2012-12-11 20:00:00

Novidades

Carliños, capitán!Xoán Babarro González
Unha cervexa ChangManuel Portas
O meu sangueDiego Giráldez
MaasaiAlberto Avendaño

Autor/a

Monteagudo, Xosé
(Moraña, 1965) obtivo o premio Blanco Amor en 2002 coa súa primeira novela, As voces da noticia. En 2006 publicou Esta historia. Coa súa terceira novela, Un tipo listo, conseguiu o premio García Barros en 2009 e foi finalista do premio Frei Martín Sarmiento en 2011. En 2012 publicou O curioso mundo das persoas normais. En 2016, Todo canto fomos, novela unanimemente eloxiada pola crítica, que acadou un grande éxito lector e coa que obtivo en 2017 o Premio á mellor obra narrativa na Gala do Libro Galego e mais o Premio San Clemente.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR