15,75€

mercar

Nas catacumbas

Xavier Alcalá

Unha posguerra cruel. A nova entrega da triloxía "Evanxélica memoria", proxecto narrativo co que Xavier Alcalá conta en clave de novela a represión sufrida polas comunidades evanxélicas en Galcia, céntrase no período que vai do final da Guerra Civil ao remate dos anos corenta. Nas catacumbas enfronta o lector ou lectora coa realidade dunha posguerra cruel, marcada pola brutalidade fascista e pola resistencia dos derrotados, que tentan sobrevivir nunha sociedade consumida e aferrollada polo medo.

Xavier Alcalá recupera para a novela galega unha parte da nosa historia recente, e faino dende o punto de vista dunha das minorías relixosas máis esquecidas, a dos protestantes galegos. Logo da publicación de Entre fronteiras, primeira parte da triloxía, coa que cubría o período da Segunda República e da guerra, Nas catacumbas iníciase co remate da contenda e prosegue durante os anos corenta. Unha época marcada polo estraperlo, a guerrilla antifranquista, a presenza dos nazis en Vigo ou as brutalidades dos fascistas na persecución de protestantes e fuxidos.

A través dos ollos do protagonista, un protestante que logo de loitar na fronte bélica tenta recuperar unha vida normal sen renunciar á súa relixión, Alcalá traza con man firme o relato novelesco dunha realidade histórica inesquecible, Nas catacumbas configúrase dese xeito como a novela da posguerra, un período pouco presente na narrativa galega contemporánea e que nesta obra adquire unha presenza contundente.

Xavier Alcalá anuncia xa a conclusión da súa trioloxía narrativa coa que será a terceira entrega, a novela que se titulará Unha falsa luz. Cada unha das tres novelas do ciclo mantén unha autonomía considerable, sen perder a coherencia dunha obra pensada para relatar as vicisitudes dun grupo humano con características propias, o dos evanxélicos galegos.

Recensións


Detalles

  • Páxinas : 424
  • Deseño : Rústica con lapelas
  • Dimensións : 135 x 210 mm.
  • Data Publicación : 2005-05-13
  • Colección : Literaria
  • Editorial : Galaxia
  • ISBN : 978-84-8288-802-6
  • Edición : 1

Noticias relacionadas

Unha comunidade perseguida2007-02-21 15:13:03

Obras do autor en catálogo

Fábula17,95€
A nosa cinza17,95€

Actividades relacionadas


Novidades

Xácome o fatalistaDenis Diderot
O can e o gatoManuel Pombo Arias
DemeraraWagner G. Barreira

Autor/a

Alcalá, Xavier
(Miguelturra, Cidade Real, 1947) é enxeñeiro de Telecomunicacións e doutor en Informática. Instalado en Galicia desde a nenez, iniciouse na Literatura con poemas para cantar, musicados por Andrés do Barro, e como cronista en El Ideal Gallego. O seu primeiro libro de narrativa foi Voltar, seis personaxes e un fado (1972), ao que seguiron novelas coma A nosa cinza (1980), Fábula (1980, premios Cidade da Coruña e da Crítica Española), Nos pagos de Huinca Loo (1982), Tertúlia (1985), Fumes de Papel (1988), Cárcere verde (1990), Latitude austral (1991), Código morse (1996) e Alén da desventura (1998, Premio Blanco Amor). No eido da novela destaca a súa triloxía "Evanxélica memoria", sobre as comunidades de protestantes en Galicia, constituída por Entre fronteiras (2004), Nas catacumbas (2005, Premio da Crítica Galega) e Unha falsa luz (2007). En 2012 publica Verde Oliva e en 2018, The making of. Xúntanse a estas novelas os libros de viaxes: Arxentina (1990), Viaxes no País  de Elal (1992) e La Habana Flash (1998). Completan a súa obra numerosos narracións curtas, recoñecidas con diversos premios (entre eles, o Manuel Murguía) e parte delas recollidas en Contos do Impaís (1992) e Contos das Américas (1992).


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR