Estás aquí:

Código: 2028

Illados. Diario da pandemia

23,40 € IVE INCLUIDO

A primavera de 2020 mudou para sempre as nosas vidas e deixará, sen dúbida, fondas pegadas na memoria da nosa xeración

A cámara de Miguel Muñiz condensa, en imaxes, moitas das emocións experimentadas ao longo destes días que transcorreron baixo a sombra da pandemia: o baleiro das rúas, os ollos asustados, a épica da loita, as historias de camioneiros en tránsito e circos varados nun tempo estraño, escolas desertas e nenos confinados, reencontros e fronteiras, a vida que á fin agroma entre as fendas… Imaxes e textos; literatura e fotografía; poesía e ensaio. A arte coma unha arma para enfrontármonos ao mundo e dotalo de sentido. Ao xeito de Boccaccio e os seus cen contos do Decamerón, erguéndose, con vitalismo, fronte á peste negra, os textos de María López Sández acompañan e interpretan estas fotografías que lle dan forma ao que sentimos e o integran con tinta imborrable na nosa experiencia.

Comparte nas túas redes sociais ou por email

Detalles do libro

Páxinas: 148

Deseño: Rústica con lapelas

Data Publicación:

Dimensións 237 x 210 mm.

Colección: Reportaxe

Nº na colección: 21

Edición: 1ªª

Editorial: Galaxia

ISBN: 978-84-9151-480-0

Observacións: Fotografías de Miguel Muñiz

AUTORES/AS

Muñiz, Miguel

(Ourense, 1966) é fotoxornalista e colabora con diversos medios (ABC, Expansión, Revista Eco, Destino Galicia…). Como fotoxornalista cubriu acontecementos como o Prestige ou o accidente de Angrois. Colaborou en libros de fotografía como Fomos ficando sós o mar, o barco e mais nós, da editorial Difusora, e realizou exposicións sobre o Camiño de Santiago ou sobre a Galicia tradicional (Raíces) de ampla difusión, chegando a Houston ou Braga.

Foto de: © Moncho Fuentes.

As súas obras

Illados. Diario da pandemia

23.40€ CON IVE

López Sández , María

María López Sández (Lugo, 1973) é doutora en Teoría da Literatura e Literatura Comparada pola Universidade de Santiago de Compostela. Exerce a docencia no ensino secundario no IES Xulián Magariños (Negreira) e é profesora asociada de Didáctica da Lingua e a Literatura na Facultade de Ciencias de Educación da USC. En 2007 foi galardoada co Premio Ramón Piñeiro de ensaio pola obra Paisaxe e nación: a creación discursiva do territorio e, en 2012, co Premio Repsol de Narrativa breve por A forma das nubes, ambos os libros publicados por Editorial Galaxia, xunto con O faro escuro (2015) e A noite da deusa (2020). En 2021 publica, con Marilar Aleixandre, Movento os marcos do patriarcado. O pensamento feminista de Emilia Pardo Bazán.