Grial 196

VV.AA.

Carlos Casares nun país de palabras

Dende un país de palabras.
A revista GRIAL dedica o seu último número a Carlos Casares.
Foi director de GRIAL entre 1989 e 2002. Foi director xeral de Galaxia. Compañeiro e amigo. Mais tamén unha das figuras fundamentais das letras galegas contemporáneas. Cando se cumpren dez anos do seu pasamento (Vigo, 9 de marzo de 2002) a revista que dirixiu e renovou durante ese período dedica as súas páxinas á súa lembranza: como escritor, como editor e mesmo como cidadán. Ángel Basanta, María Dolores Villanueva, Ana Luna, Iolanda Galanes e Damián Villalaín, coordinados por Dolores Vilavedra, achégannos a distintos aspectos da súa obra e da súa persoa.
Os traballos recollen algunhas intervencións do curso de verán que organizou hai algúns meses a Universidade Internacional Menéndez Pelayo, dirixido pola profesora Dolores Vilavedra, e que se celebrou no Consello da Cultura Galega. Editorial Galaxia dedicou durante este ano especial atención á obra de Casares, dixitalizada e accesible mesmo en formatos ebook. Durante os últimos 12 meses mantivemos activo un Blog dedicado á súa obra.
Neste número 196 da revista, Ángel Lasanta aborda a obra narrativa de Casares, María Dolores Villanueva a súa condición de editor, Ana Luna e Iolanda Galanes tratan das traducións e da súa actividade como tradutor, e Damián Villalaín, que foi director de edicións con Carlos Casares en Galaxia, fai unha semblanza da persoa e do cidadán.
No ano 2012 cumpríanse tamén dez anos do pasamento de Xoán González Millán (O Grove, 1951-Nova York, 2002), amigo de Casares e un dos críticos máis lúcidos e con maior proxección internacional das nosas letras, profesor da Universidade Pública de Nova York (Hunter College). Neste número reúnense, asemade, unhas mostras da correspondencia que o crítico envía a Casares dende a outra beira do Atlántico entre 1988 a 1997, na que se recollen interesantes opinións sobre o mundo editorial, proxectos e, obras e autores deses anos. Unha achega interesante á intrahistoria da nosa literatura máis recente.
Ademais das seccións habituais da revista: Creación, Revista das Letras, Crónica, O rego da cultura, etc., o número 196 inclúe dous ensaios especialmente pegados á realidade: "Virán máis anos e farannos máis míseros" de Antón Baamonde e "Eloxio da valentía" de Carlos Fernández, xunto cun ensaio de Carlos Lema sobre a nova conformación simbólica e filosófica do mundo contemporáneo: "Orde do mundo, secularización e progreso".

Recensións


Detalles

  • Páxinas : 144
  • Deseño : Rústica
  • Dimensións : 185 x 270 mm
  • Data Publicación : 2013-01-11
  • Colección : Grial
  • Editorial : Galaxia
  • ISBN :
  • Edición : 1

Noticias relacionadas



Actividades relacionadas


Novidades

9788491515876Movendo os marcos do patriarcadoMarilar AleixandreMaría López Sández
9788491515890IdentidadeNee Barros Fernández
9788491515975As malas mulleresMarilar Aleixandre
9788491515883A pintora libertariaPepe Carballude

VV.AA.

VV.AA.,


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR