Estás aquí:

Código: 1958

Epistolario a Francisco Fernández del Riego

Carballo Calero , Ricardo

32,75 € IVE INCLUIDO

O epistolario de Carballo Calero a Francisco Fernández del Riego ilustra á perfección unha etapa fundamental da cultura galega.

A correspondencia de Carballo Calero a Paco del Riego son a constatación dunha profunda amizade e tamén a crónica dunha época.

Ao longo de cincuenta anos, estas cartas reflicten o proceso de elaboración da obra dun dos grandes intelectuais galegos do século XX.
Desde o galeguismo da época de 1930 ata o período na cátedra de galego da Universidade de Santiago, pasando polo silencio da Guerra Civil, o cárcere, a relación coa Editorial Galaxia ou a entrada na Real Academia Galega, a correspondencia reuinida neste libro permite un contacto directo coa personalidade do inesquecible profesor e co seu tempo.

Detalles do libro

Paxinas: 580

Deseño: Rústica con lapelas

Data Publicación: 16/02/2006

Dimensións 14 x 21 cm. mm.

Colección: Memoria

Nº na Colección:

Edición: 1ª

Editorial: Galaxia

ISBN: 978-84-8288-893-4

Observacións:

Novas relacionadas con este libro

Un epistolario reflicte a amizade entre Del Riego e Carballo Calero

AUTORES/AS

Carballo Calero , Ricardo

Catedrático de Lingüística e Literatura Galega e escritor. Licenciado en Dereito e Filosofía e Letras pola Universidade de Santiago de Compostela (USC) e doutor en Letras pola Universidade Central de Madrid. Foi o secretario do Seminario de Estudos Galegos e partillou os principios políticos do Partido Galeguista (1931). Foi membro da Real Academia Galega. A partir de 1970 foi o principal teorizador e defensor das teorías do reintegracionismo lingüístico co portugués como vía para a normalización do galego. Do seu traballo académico destacan a Historia da literatura galega contempóranea (1975) e mais Estudos rosalianos (1979). Como poeta, iniciouse en castelán con Trinitarias (1928) e La Soledad confusa (1931), para continuar en galego con Vieiros (1931) e O siléncio ajoellado(1934) ata a súa madurez en Anxo de Terra (1950). Como prosista abriu a xeira da novela galega da postguerra con A xente da barreira (1950, Premio Bibliófilos Gallegos). Tamén cultivou o xénero dramático de xeito continuado dende 1936, con obras como A sobra de Orfeu, 1948.

Dedicóuselle o DÍA DAS LETRAS GALEGAS 2020