Camposanto
Menu
Menu
Publicado postumamente, Camposanto devólvenos a inconfundible voz do autor de Austerlitz.
Cando, no ano 2001, W. G. Sebald falece vítima dun accidente de tráfico, interrómpese a obra dun dos escritores contemporáneos máis significativos, nun momento en que o seu prestixio acadara xa ámbito internacional.
Este libro inclúe catro textos nos que o escritor traballou en busca das pegadas do tempo na illa de Córsega e un mangado de ensaios inéditos sobre a literatura pola que sentía especial predilección, de Kafka e Handke a Nabokov e Bruce Chatwin.
Winfred Georg Maximilian Sebald (1944, Wertach im Allgäu, Baviera, Alemania – 2001, Norfolk, Reino Unido), escritor alemán nacido nun pequeno pobo de Baviera, onde pasou a infancia durante a dura posguerra alemana. Tras unha corta estadía en Suiza, aos 21 anos instalouse definitivamente en para dar clases na Universidade de East Anglia onde, desde 1987, ocupou a cátedra de literatura europea. Foi fundador do prestixioso British Centre for Literary Translation, do que foi director ata 1994. Escritor tardío, a súa primeira novela Vertixe (1990), foi publicada cando tiña 46 anos, fixou as formas e os territorios dunha narrativa que en só dez anos e outros tres libros, Os emigrados (1996), Os aneis de Saturno (2000) e Austerlitz (2002), convertírono en autor de culto. A súa literatura transxenérica, riquísima e complexa mestura de ensaio, novela, libro de viaxes e poesía sitúano no cumio dos escritores universais. Max Sebald, como lle chamaban os seus amigos, faleceu vítima dun accidente automobilístico, o 16 de decembro do 2001.
