A muller de Ferro
Menu
Menu
ESGOTADO
Un conxunto de relatos que teñen como escenario e protagonista o mundo rural galego, observado por Neira Vilas á marxe de calquera idealización ou tentación nostálxica.
Este libro aborda o mundo rural, enxergado dende unha perspectiva crítica e de superación de atrasos e eivas históricas. A violencia, os prexuízos e a miseria están presentes nun mundo para o que o autor reclama conciencia colectiva e solidariedade a través dun estilo narrativo caracterizado polo seu poder expresivo e a súa eficacia comunicativa.
Neira Vilas (Vila de Cruces, 1928-2015) é sen dúbida un dos escritores máis sobranceiros do noso país. A súa vida e a súa obra están marcadas pola emigración, que el viviu en primeira persoa en Arxentina e Cuba. Dese sentir nace Memorias dun neno labrego, un dos libros máis famosos das letras galegas. A mestría do Neira Vilas narrador amósase nese e noutros moitos libros que lle valeron o recoñecemento da sociedade galega.
Ao longo da súa vida Neira Vilas recibiu numerosos galardóns, como por exemplo a Medalla Castelao en 1988. Nos Premios da Edición que concede a AGE recibiu o Premio Xosé María Álvarez Blázquez ao autor do ano 2010. En 2014, recibiu, na modalidade de Letras, o Premio da Cultura Galega que concede a Xunta de Galicia e en 2015, a Medalla de Ouro de Galicia.
