A fin da terra

María Rosa Lojo

Historias e personaxes de Arxentina, de Irlanda e de Galicia, conflúen nesta novela, que é unha busca intensa e fascinante do enigma das orixes.

Unha das escritoras arxentinas máis destacadas actualmente é María Rosa Lojo, de quen Editorial Galaxia publica, en tradución galega, a novela A fin da terra. As orixes familiares da autora, de pai galego, teñen moito que ver con esta obra que sae á luz no 2006 ao mesmo tempo en castelán que en galego.

Nun invermo Londinense, alá polo 1874, Elizabeth Armstrong comeza a ler as cartas que inesperadamente lle chegan desde Galicia, desde a afastada vila de Fisterra. A súa correspondente Rosalind, promete nelas rachar o teimudo silencio que sempre rodeou o nacemento da protagonista no Río da Prata. As súas cartas lévana corenta anos atrás, á Arxentina, á tribo dos indios ranqueles, á súa propia orixe. Entrementres Elizabeth fai amizade co case adolescente Oscar Wilde, rexeita ofertas matrimoniais e, fascinada,descobre un pasado, encóntrase co que descoñece de si mesma.

Historias e personaxes de tempos e culturas diferentes, dun e doutro lado do Atlántico, da Arxentina, de Irlanda e de Galicia, conflúen neste romance, unha procura no enigma da identidade, un "camiño de Fisterra". metáfora do límite e do extremo onde nos enfrontamos ao descoñecido, ao misterio que cadaquén leva dentro de si mesmo.

Recensións


Detalles

  • Páxinas : 252
  • Deseño : Rústica con lapelas
  • Dimensións : 13,5 x 21 cm.
  • Data Publicación : 2006-02-13
  • Colección : Literaria
  • Editorial : Galaxia
  • ISBN : 978-84-8288-886-6
  • Edición : 1

Noticias relacionadas

FALECEU XOHÁN LEDO2008-06-25 10:04:06

Obras do autor en catálogo


Actividades relacionadas


Novidades

Taracea marroquí 1935Eduardo Blanco Amor
Obra dramáticaÁlvaro de las Casas
Ensaios sobre GaliciaXohán Vicente Viqueira
Os camiños da vidaRamón Otero Pedrayo

Lojo, María Rosa
Naceu en Bos Aires en 1954. O seu pai, un galego republicano, exiliouse na Arxentina logo da Guerra Civil. Está considerada unha das voces literarias máis poderosas do mundo hispanoamericano e o seu vencello con Galicia vén de lonxe.

María Rosa é escritora, investigadora e Doutora en Letras pola Universidade de Bos Aires. Profesora de Ensino Secundario, Normal e Especial en Letras, egrexa da Universidad de Bos Aires con Diploma de Honor.

Traballa como investigadora do Consello Nacional de Investigacións Científicas e Técnicas, con sede na Universidade de Bos Aires. Dirixe dous proxectos de investigación na Universidade do Salvador onde dicta, ademáis, un Seminario-Taller de Doutoramento. Ten ao seu cargo a coordinación do equipo internacional de investigadores que realiza a edición crítica de Sobre héroes y tumbas para a Colección Arquivos da UNESCO.

A súa obra abrangue distintos xéneros: artigos, poesía, ensaio, conto e novela. En Galaxia ten publicado a novela A fin da terra e o fermoso álbum O libro das Seniguais e do único Senigual.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR