Vida de Antón Avilés de Taramancos
Menu
Menu
A vida de Avilés móvese nun territorio fascinante, onde a imaxinación e a aventura se confunden.
En Antón Avilés de Taramancos coinciden a ansia de coñecer (apaixoado descubridor de mundos novos) coas conviccións profundas que lle dan sentido ao ser humano, máis alá das fronteiras espaciais e xeográficas particulares. Velaquí o segredo destas páxinas que, a xeito de intelixente relato, Álvarez Cáccamo ofrece aos lectores.
Naceu en Vigo en 1950. Estudou Filoloxía Románica na Universidade de Santiago de Compostela e dende 1973 exerceu de profesor de Literatura en varios institutos de Galicia. Destaca como poeta, aínda que tamén publicou relatos breves, algunha peza teatral e textos para o público infantil. Como ensaísta centrouse na poesía galega da segunda metade do século XX, con estudos como Vida de Antón Avilés de Taramancos. A comezos do 2006 publica en Galaxia as súas memoria baixo o título de Memoria de poeta.
Da súa obra lírica destacan os poemarios Luminoso lugar de abatimento, Premio Esquío 1986, e Calendario perpetuo, Premio da Crítica de Galicia 1998. Formou parte dos consellos de redacción dos suplementos Galicia Literaria de Diario 16 de Galicia e Faro das Letras de Faro de Vigo. Foi membro do Foro da Cultura e na actualidade forma parte do consello de redacción da revista Grial e do colectivo Burla Negra. Premio da Cultura Galega 2018 na modalidade de letras.
