Non te amola!
Menu
Menu
EDICIÓN EN CARTONÉ
Velaquí un libro inédito de Xela Arias
A súa primeira achega á narrativa; un texto que é unha biografía emocional dunha infancia que se proxecta, vizosa, cara aos nosos días. Unha descuberta dunha sensibilidade magnífica. Un acontecemento literario que se abeira, ademais, ao traballo dunha grande ilustradora como Luz Beloso.
A prestixiona Revista CLIJ inclúe esta obra na súa lista de Honra
(Sarria, 1962 – Vigo, 2003) foi unha poeta que publicou libros esenciais como Denuncia do equilibrio, Tigres coma cabalos ou Darío a diario, dedicado ao seu fillo, no que aborda a maternidade cunha mirada afastada do tratamento tradicional. A súa derradeira obra, publicada en 2003, Intempériome, converte a desobediencia e a transgresión en palabra poética. Autora sempre comprometida, puxo a súa voz en mobilizacións cívicas como a da marea negra do Prestige e en favor da lingua galega. Traballou como editora e como docente de secundaria. Traduciu para o galego desde o inglés, italiano, portugués e castelán autores como Bram Stoker (Drácula), Roald Dahl (As bruxas), Angela Carter (Venus negra), Gianni Rodari (Contos ao teléfono), Carlos Oroza (Caballum) e Jorge Amado (O gato Gaiado e a andoriña Señá: unha historia de amor), entre outros. En 2021, a Real Academia Galega dedícalle o Día das Letras Galegas.
