O martes 8 de marzo, celebrarase, ás 19:30 h, no Edificio Multiusos do Barco de Valdeorras, a presentación dos libros Florencio Delgado Gurriarán. Vida e obra dun poeta valdeorrés, republicano e galeguista, de Ricardo Gurriarán, e Florencio Delgado Gurriarán. Poeta na terra, na guerra e no exilio. Antoloxía poética, de Xesús Alonso Montero.
Acompañando os autores, estarán o alcalde de Vilamartín de Valdeorras, Enrique Álvarez, o alcalde do Barco de Valdeorras, Alfredo García, a concelleira de Cultura e Educación do Barco de Valdeorras, Margarita Pizcueta, e Xesús Domínguez Dono, director de produción de Editorial Galaxia.
