O xoves 27 de novembro, coincidindo co 10 ª Cabodano pasamento de Xosé Neira Vilas, celebrarase, ás 17 h, na Fundación Neira Vilas, en Gres, a presentación de Correspondencia 1965-2014, de Xosé Neira Vilas e Xesús Alonso Montero, tamén autor do limiar.
Acompañando a Alonso Montero, estarán Valentín García Gómez, secretario xeral da Lingua da Xunta de Galicia; Víctor F. Freixanes, escritor e académico da RAG; e Xosé Soutullo, director de Editorial Galaxia.
