Coloquio “Xestionar os clásicos: de Castelao á Banda Deseñada”, en Santiago de Compostela

O mércores 27 de setembro, celebrarase, a partir das 12:30 h, na Biblioteca do Consello da Cultura Galega, dentro do XX Simposio O libro e a lectura, organizado pola Asociación Galega de Editoras, un coloquio que leva por título Xestionar os clásicos: de Castelao á Banda Deseñada; con Marcos Calveiro, director de Edicións de Editorial Galaxia.

Neste encontro profesional conversarase e reflexionarase sobre a edición en Galicia ao longo destes 40 anos, a situación do mercado e a internacionalización do libro galego. 

 Debido ao aforo limitado é necesario inscribirse no correo s.tecnica@editorasgalegas.gal