Autor/a destacado/a:
Convócase o II Premio de Novela Camiño de Santiago
07/04/21

A Academia Xacobea en colaboración coa Secretaría Xeral de Política Lingüística da Consellería de Cultura, Educación e Universidades da Xunta de Galicia e o patrocinio de ALUMINIOS CORTIZO S.U.L, convoca o II Premio de Novela Camiño de Santiago cuxa obra gañadora será publicada pola Editorial Galaxia, co fin de promover e divulgar o Camiño de Santiago e o fenómeno Xacobeo, de acordo coas seguintes bases: 1. A este premio poderán concorrer todos os autores e autoras que o desexen cunha novela escrita en castelán ou galego, conforme ás normativas establecidas, en cada caso, pola Real Academia Española e a Real Academia Galega. Os autores e autoras só poderán enviar unha obra a concurso, que deberá ser orixinal e inédita en todos os formatos e non poderá ter sido premiads noutros concursos. 2. Será outorgado un único premio dotado con TRES MIL EUROS (3.000.00 €) suxeitos ás retencións legais que resulten aplicables. O gañador ou gañadora recibirá tamén un diploma acreditativo e verá a súa obra publicada en galego e castelán pola Editorial Galaxia a través da súa colección literaria e do seu selo Mar Maior, respectivamente. A contía do premio inclúe a adquisición dos dereitos da primeira edición (publicación, distribución e explotación) en castelán e galego do texto gañador. Estes dereitos corresponden, en exclusiva, á Academia Xacobea, que publicará a obra a través da Editorial Galaxia S.A. Ademais faranse entrega de vinte exemplares ao autor ou autora gañadora. Así mesmo establécese un accésit sen dotación económica para a mellor obra literaria presentada na lingua que non obteña o primeiro premio, ao que se concederá tamén diploma acreditativo. O premio poderá declararse deserto sempre que o xurado considere que os orixinais presentados non reúnen a calidade suficiente. 3. O Camiño de Santiago será o tema referencial para a ficción narrativa, que deberá estar presente, de maneira notoria na obra na súa vertente física, histórica, cultural, social ou imaxinaria. Poderanse presentar novelas, relatos e conxuntos de relatos. Terán unha extensión mínima de 200 páxinas a dobre espazo e tipo de letra arial 12, con marxes non superiores a 3 cms. Os autores remitirán as súas obras, na forma, prazo e requisitos que se establecen a continuación. Enviarase o arquivo en PDF da obra completa ao correo info@academiaxacobea.gal sen mencionar a autoría, e dous exemplares mecanografados, en papel, tamaño folio, a dobre espazo á dirección postal:

Academia Xacobea Pazo de San Roque, 2

15781 Santiago de Compostela

Os exemplares deberán presentarse anonimamente e enviaranse nun sobre pechado, en cuxo exterior se indicará o título da obra, especificando: II PREMIO DE NOVELA “CAMIÑO DE SANTIAGO”. O sobre deberá conter, ademais outro sobre pechado dentro do cal se incluirá: o título da obra e a seguinte información persoal do autor: nome e apelidos, DNI, data e lugar de nacemento, domicilio, teléfono, correo electrónico, breve currículo e unha declaración expresa de que a obra non foi premiada ata a data de presentación en ningún outro certame literario, nin obxecto de publicación. Ademais deberá incluír no sobre xeral outro escrito no que conste a conformidade do autor ou autora coa cesión dos dereitos da primeira edición en papel e dixital, en galego e castelán, da súa obra para o caso de que resulte gañadora, incluídos os de publicación, distribución e explotación. 4. As novelas enviaranse antes do 15 de setembro de 2021. 5. O Xurado estará composto por cinco personalidades do mundo literario designados pola Academia Xacobea, un deles, en representación da Editorial Galaxia. Actuará como secretario do Xurado, con voz e sen voto, unha persoa designada para ese efecto. A composición do Xurado darase a coñecer, con anterioridade á súa reunión, na páxina web da Academia Xacobea. 6. O Xurado actuará en única sesión, sendo necesaria a asistencia da maioría simple dos seus membros. As deliberacións serán secretas e delas redactarase a acta correspondente. A decisión do xurado será inapelable e darase a coñecer nun acto público no mes de decembro de 2021. 7. A entrega do premio terá lugar no acto público e na mesma estarán presentes representantes da entidade convocante, das institucións colaboradoras e da editorial, así como os membros do Xurado e o gañador ou gañadora. O día concreto será feito público coa suficiente antelación na páxina web da Academia Xacobea: www.academiaxacobea.gal. 8. Non se manterá correspondencia sobre a documentación presentada polos participantes. Os orixinais non premiados serán destruídos tras facerse pública a resolución de xurado. 9. A presentación das obras supón a aceptación destas bases por parte das persoas que participen na convocatoria, que ademais teñen o deber de comunicar á Academia Xacobea a concesión de calquera premio ou publicación que obteña a obra presentada durante o transcurso do premio e que producirá a automática a exclusión do mesmo. 10. A decisión sobre os aspectos non incluídos nestas bases ou aqueles que puidesen ser obxecto de interpretación, correspóndelle á Academia Xacobea, a cal, unha vez consultados os membros do Xurado e as entidades colaboradoras, emitirá ditame que será inapelable.

Dúas obras de Galaxia son traducidas ao portugués por Deriva Editores

Antón Riveiro Coello e Xurxo Borrazás atópanse xa nos andeis das librarías portuguesas. As rolas de Bakunine é o título en portugués da obra do escritor da Limia que ten vendidas en galego xa catro edicións e que ademais acadou o Premio García Barros de novela no ano 2000. A edición portuguesa de Deriva inclúe …

Auster, Capote, Nélida Piñon. Galaxia leva ao galego novidades da literatura internacional

Galaxia co obxectivo de normalizar a lingua e achegar aos lectores galegos a literatura novísima de todo o mundo acaba de sacar do prelo Brookyn Follies e ten previsto editar nas vindeiras semanas un mangado de gorentosas novidades. Ademais dun libro de memorias do debuxante Hugo Pratt (creador de Corto Maltés) e unha novela de …

María Rosa Lojo presenta en Galicia "A fin da terra"

"Gustaríame que meu pai, onde queira que agora estea, puidese oírme e presenciar este acto". Moi emocionada, María Rosa Lojo falou do libro e, sobre todo, da memoria do seu pai, xa falecido, nunha noite de forte choiva que non impediu que o público enchese o Café Casino de Santiago de Compostela. Entre os asistentes …

A arxentina María Rosa Lojo publica en galego "A fin da terra" con Galaxia. A novela será presentada nos vindeiros días na Feira do Libro de Bos Aires.

A fin da terra nace dun proxecto que xiraba arredor da figura de Manuel Baigorria, quen logo de militar no exército do home branco se convertirá, durante vinte anos, en cacique poderoso entre os ranqueles, pobo asentado no noroeste da Pampa, antes de abandonalos para retornas entre os do antiguo bando. Este estar entre dúas …

A Federación de Libreiros de Galicia premia a Teresa Moure como a mellor autora do ano

A Federación de Libreiros de Galicia concedeulle a Teresa Moure o premio "Irmandade do libro" no apartado de "Autora do ano" como recoñecemento á súa obra ensaística e de ficción. Teresa Moure é doutora en Lingüística Xeral e exerce a docencia nas facultades de Filosofía e Filoloxía da Universidade de Santiago de Compostela. Na súa …

UNHA HOMENAXE AO CASARES XORNALISTA

O Casares xornalista, o escritor dos pequenos detalles e do día a día fica agora entre as páxinas de Á marxe, 1992. Obra xornalística I e Á marxe, 1993. Obra xornalística II, dous volumes dedicados a recoller os artigos publicados diariamente polo escritor no periódico La Voz de Galicia durante os anos 1992 e 1993 …

Xesús Constela debuta «desde a calidade» na literatura galega

"Unha nova estrela na Constelación de Galaxia". Así definía o pasado 6 de outubro o editor Víctor Freixanes a Xesús Constela durante a presentación da ópera prima deste último, , que se ergueu en decembro co Premio Torrente Ballester da Deputación da Coruña. O seu Presidente Salvador Fernández Moreda, a súa satisfacción pola consolidación do …

Dolores Ruiz gaña o Blanco Amor coa novela [i]A illa ignorada[/i]

A illa ignorada é a primeira novela para público adulto desta escritora ata agora coñecida pola súa produción de literatura infantil. Deuse a coñecer en 1998 ao gañar o Premio Barco de Vapor con A lenda do capitán Miñoca, o seu debut. En Editorial Galaxia ten publicado o seu libro Historia do bico Simón. Ademais …

Falece o destacado galeguista Agustín Sixto Seco

A capela ardente está instalada na igrexa de San Domingos de Bonaval. Mañá venres celebrarase o funeral na igrexa de San Francisco, en Santiago de Compostela, para logo ser soterrado no cemiterio de Boisaca. Tralo seu pasamento, numerosos representantes da cultura e da sociedade galega expresaron o seu pesar polo pasamento do intelectual galeguista. Ademais …

A Editorial Galaxia ten previsto publicar 116 títulos novos en 2005

É o caso do cumprimento do cincuenta aniversario da aparición de Merlín e familia, libro clave na obra de Álvaro Cunqueiro e da narrativa galega. Para conmemorar este aniversario Galaxia editará un volume ilustrado por artistas e debuxantes. Tamén o centenario do nacemento de Antón Fraguas, que foi cronista xeral de Galicia, lembrarase coa edición …


CATEGORIAS

AUTORES/AS

LIGAZÓNS DE INTERES

Fields marked with an * are required

Subscríbete ao noso

BOLETÍN DE NOTICIAS

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR