 Autor/a destacado/a: Editorial Galaxia publica a antoloxía completa de Fiz Vergara Vilariño 16/09/19 Galaxia publica nestre tramo final do ano a antoloxía poética de Fiz Vergara Vilariño, escrita por Yago Rodríguez Yáñez. Un traballo necesario e unha gran escolma poética por parte do autor. Atopámonos ante un referente esencial, polo que hai que transitar para entender a nosa poesía actual. O poeta naceu e morreu na parroquia de Santalla de Lóuzara, no concello lugués de Samos (1953-1997). A súa poesía contiña un marcado carácter social, que foi derivando a un maior intimismo co tempo. Da súa primeira época destacan as obras Para vós (1971) e Encontro cos tiburóns (1973). A poesía paisaxística, amorosa e existencialista predomina dende Orfo de ti en terra adentro (1976). Desta tendencia son os poemarios Poeta muiñeiro á deriva (1982), Nos eidos da bremanza (Editorial Galaxia, 1990), Pastora de sorrisos (1993) e o póstumo Animal sen fel (1998). Formou parte do colectivo Cravo Fondo, xurdido en Santiago de Compostela en 1977. Foi un grupo poético que naceu cunha vontade renovadora, autodefinido como revolucionario, nacionalista e comprometido coa investigación creativa coa lingua e a literatura. Poetas da altura de Ramiro Fonte, Xesús Rábade Paredes, Xavier Rodríguez Barrio, Xulio López Valcárcel, Xesús Manuel Valcárcel, Helena Villar Janeiro e o propio Fiz Vergara Vilariño, dábanlle forma a esta sinerxía literaria. “Por Galicia, pola poesía, Cravo Fondo, verba nova para unha terra ceibe”. En 1977 publican Cravo Fondo, o seu único libro conxunto no que, en forma de manifesto, mostra a vontade de superación do socialrealismo epigonal, sen renunciar á historicidade nin caer no esteticismo. Saliéntase a necesidade de facer recitais non elitistas. |
Entrega do Premio de Narrativa Breve Repsol 2020O día 17 de decembro, ás 19 h, celebrarase o acto de entrega do Premio de Narrativa Breve Repsol 2020 a Berta Dávila, no salón de actos do edificio da Secretaría Xeral de Política Lingüística, en Santiago de Compostela. Acompañando a autora, asistirá o Conselleiro de Cultura, Educación e Universidade, Román Rodríguez González, o videpresidente … 
Presentación de “Corazón de manteiga”, en VigoO día 15 de decembro, ás 20 h, celebrarase, na sede da Deputación de Pontevedra, en Vigo, a presentación de Corazón de manteiga, de Xavier Queipo. Acompañando o autor, asistirá o escritor e docente Manuel Forcadela e Francisco Castro, director xeral de Editorial Galaxia. Como o aforo é limitado, recoméndase confirmar asistencia no seguinte correo: galaxia@editorialgalaxia.gal … 
Presentación de “Desvendado”, en Santiago de CompostelaO día 14 de decembro, ás 20:00 h, celebrarase, no salón de actos do Pazo de San Roque de Santiago de Compostela, a presentación do libro Desvendado, de Manuel Pombo Arias. Acompañando o autor, asistirá Valentín García Gómez, secretario xeral de Política Lingüística, e Francisco Castro, director xeral de Editorial Galaxia. O acto contará con todas … 
Nace a Biblioteca NósNa Editorial Galaxia publicamos a colección Biblioteca Nós, en homenaxe aos artífices da revista Nós, celebrando o centenario da saída do prelo do seu primeiro número. Esta é unha escolma dunha decena de obras de autores como Vicente Risco, Otero Pedrayo, Ramón Cabanillas, Antón Losada Diéguez, Antón Vilar Ponte ou Castelao. Títulos como Teoría do nacionalismo galego, un dos textos … 
A Fundación Penzol recibe o Premio Cultura Galega 2020A Fundación Penzol recibe o Premio Cultura Galega 2020 na categoría de Patrimonio Cultural. Un dos máis prestixiosos galardóns de Galicia, o cal recoñece o inmenso labor da fundación. Nada en 1963 baixo o impulso de Fermín Penzol, nos seus case 60 anos de historia contribuíu á promoción e difusión do patrimonio cultural galego desde unha biblioteca … 
Presentación do Premio García Barros 2020, na EstradaHoxe presentamos, na Estrada, o Premio García Barros 2020 que publica a Editorial Galaxia co apoio da Secretaría Xeral de Política Lingüística e o Concello da Estrada. No acto, ademais da gañadora, María Rei Vilas, coa súa novela Flores de ferro, participaron Carlos Loureiro, secretario do xurado, o alcalde da Estrada, Xosé López, e Francisco … 
“Acouga, Babau”, de R. J. Peralta e Blanca Millán Ilustración, xa ten canción propiaAcouga, Babau, de R. J. Peralta e Blanca Millán, xa ten canción para que a cativada cante antes e despois de ler as súas aventuras! Podedes acceder premendo aquí. Un fermoso álbum dirixido ás máis pequenas e pequenos da casa. Narra dunha maneira moi fermosa e divertida un día na vida dun cativo, en compaña … 
Le de balde o primeiro capítulo da novela de Rexina VegaPodedes ler o primeiro capítulo da novela O estado intermedio, de Rexina Vega, publicado pola revista Tempos Novos, premendo aquí. Botade unha ollada! Este libro non deixará indiferente a ninguén. Cunha novela sublime, centrada na figura dunha filla que, morto o pai, decide entrar na casa familiar para facer desaparecer toda memoria, debuta Rexina Vega na … 
Un ano de premiosNeste ano 2020 celebramos o 70 aniversario de Editorial Galaxia, o centenario da Xeración Nós e multitude de premios que tivemos a honra de recibir. Títulos moi diversos déronnos moitas alegrías acadando premios de moito prestixio. No mes de outubro, sorprendíanos a noticia de que o poemario Atlas, de Alba Cid, recibira o Premio Nacional de Poesía … 
A Editorial Galaxia estivo presente nunha edición do Culturgal diferenteA Editorial Galaxia estivo, un ano máis, presente nunha edición do Culturgal moi diferente. A feira adaptouse aos tempos, ofrecendo moitas novidades, nun formato marcado pola semipresencialidade. Celebrouse en Pontevedra, entre os días 27 e 29 de novembro, baixo o lema En caso de emerxencia, cultura. Galaxia presentou unha programación moi variada que, no sábado 28, abrangueu … |
CATEGORIAS AUTORES/AS LIGAZÓNS DE INTERES |
