Autor/a destacado/a:
Editorial Galaxia publica a antoloxía completa de Fiz Vergara Vilariño
16/09/19

Galaxia publica nestre tramo final do ano a antoloxía poética de Fiz Vergara Vilariño, escrita por Yago Rodríguez Yáñez. Un traballo necesario e unha gran escolma poética por parte do autor. Atopámonos ante un referente esencial, polo que hai que transitar para entender a nosa poesía actual. O poeta naceu e morreu na parroquia de Santalla de Lóuzara, no concello lugués de Samos (1953-1997). A súa poesía contiña un marcado carácter social, que foi derivando a un maior intimismo co tempo. Da súa primeira época destacan as obras Para vós (1971) e Encontro cos tiburóns (1973). A poesía paisaxística, amorosa e existencialista predomina dende Orfo de ti en terra adentro (1976). Desta tendencia son os poemarios Poeta muiñeiro á deriva (1982), Nos eidos da bremanza (Editorial Galaxia, 1990), Pastora de sorrisos (1993) e o póstumo Animal sen fel (1998). Formou parte do colectivo Cravo Fondo, xurdido en Santiago de Compostela en 1977. Foi un grupo poético que naceu cunha vontade renovadora, autodefinido como revolucionario, nacionalista e comprometido coa investigación creativa coa lingua e a literatura. Poetas da altura de Ramiro Fonte, Xesús Rábade Paredes, Xavier Rodríguez Barrio, Xulio López Valcárcel, Xesús Manuel Valcárcel, Helena Villar Janeiro e o propio Fiz Vergara Vilariño, dábanlle forma a esta sinerxía literaria. “Por Galicia, pola poesía, Cravo Fondo, verba nova para unha terra ceibe”. En 1977 publican Cravo Fondo, o seu único libro conxunto no que, en forma de manifesto, mostra a vontade de superación do socialrealismo epigonal, sen renunciar á historicidade nin caer no esteticismo. Saliéntase a necesidade de facer recitais non elitistas.  

Hai moito que agasallar este día de Reis

Achégase o día de Reis, unha festividade na que compartir e agasallar son verbos protagonistas. Hai moitas opcións e moi variadas para transmitir o noso agarimo aos nosos seres queridos. Que mellor maneira de facelo que agasallando libros? Portas máxicas que fan que viaxemos e conectemos con outras persoas, tempos e sentimentos. Velaquí algunhas recomendacións: …

Convócase o Premio Literario Illa Nova 2021

A Editorial Galaxia convoca a quinta edición do Premio Literario Illa Nova de Narrativa 2021 para autores e autoras menores de 35 anos co obxectivo de estimular a creación. En 1957 a Editorial Galaxia botou a andar a colección Illa Nova, coa que pretendían dar continuidade ao proxecto da editora a través das novas xeracións, …

Intervención de Antón Vidal Andión na presentación da Colección “Biblioteca Nós”

Velaquí a intervención de Antón Vidal Andión, presidente de Editorial Galaxia, o día que se presentou, en Ourense, a nova colección de Editorial Galaxia: Biblioteca Nós. Unha selección que recolle dez obras dos autores máis senlleiros deste colectivo que revolucionou a Galicia do seu tempo: “Boas tardes Sr. Conselleiro; Sr. Secretario Xeral; Sra. Directora da …

Galaxia e a Xunta lanzan a colección “Biblioteca Nós”

A editorial Galaxia e a Xunta presentaron o 28 de decembro, en Ourense, unha colección con dez libros dos autores máis representativos da Xeración Nós, un movemento cultural e político que conferiu á cultura galega un gran protagonismo, e cuxa reedición coincide co centenario da revista Nós. A colección, titulada Biblioteca Nós, presentada este luns, inclúe dez …

Discurso de Berta Dávila na entrega do Premio de Narrativa Breve Repsol 2020

Velaquí o discurso de Berta Dávila, gañadora do Premio de Narrativa Breve Repsol con Illa Decepción, o día que se celebrou o acto de entrega do premio, 17 de decembro, en Santiago de Compostela: “No verán de 2019, nun rastro de obxectos de segunda man, no Cours Julien de Marsella, atopei unha caixa de postais …

Dende a Editorial Galaxia desexámosvos o mellor para este 2021

Dende a Editorial Galaxia desexámosvos o mellor para este 2021. Esperamos que sexa un ano cheo de retos cumpridos, saúde e moita lectura. Brindamos por outros 70 anos ao voso carón. Grazas por acompañarnos nesta travesía das letras. #70anosconnós

“Unha estrela para Amina”, no Festival do Libro Ilustrado Baba Kamo

A ilustración de Kristina Sabaite, creada para o libro Unha estrela para Amina, Premio ‘O Facho de Teatro Infantil 2019’, de Celia Díaz Núñez, foi seleccionada para formar parte da exposición do Festival do Libro Ilustrado Baba Kamo, en Valencia. A ilustración foi seleccionada por un xurado formado por Diego Areso, deseñador e director de arte …

Xosé Manoel Núñez Seixas gaña o Premio Ramón Piñeiro de Ensaio 2020

A obra De imperios e danzas: poéticas da pluralidade territorial no fascismo español (1930-1975), de Xosé M. Núñez Seixas, resultou gañadora do Premio Ramón Piñeiro de Ensaio 2020, que organizan conxuntamente a Secretaría Xeral de Política Lingüística da Xunta de Galicia e Editorial Galaxia co patrocinio de Caixa Rural Galega. A xuntanza do xurado realizouse …

Xa se pode escoitar, de balde, a música de “Lingua guapa” en todas as plataformas

A música de Lingua guapa. Cantos que contan xa se pode escoitar en todas as plataformas dixitais. Pertencente á colección Sonárbore, é un libro-disco, con textos de Fina Casalderrey, musicado por Néstor Blanco e enriquecido coas cores de Lucía Cobo, a ilustradora. Un agasallo de luxo para este nadal. Está dispoñible en Spotify, Itunes, Youtube… que …

Presentación de “Mar de mazá”, en Vigo

O día 18 de decembro, ás 20 h, celebrarase, na Sede da Deputación de Pontevedra, en Vigo, a presentación do álbum Mar de mazá, de Elvira Ribeiro Tobío, ilustrado por Begoña G. Arce. Acompañando as autoras, asistirá Silvia Penas, poeta e performer, e Francisco Castro, director xeral de Editorial Galaxia. Como o aforo é reducido, recoméndase …


CATEGORIAS

AUTORES/AS

LIGAZÓNS DE INTERES

Fields marked with an * are required

Subscríbete ao noso

BOLETÍN DE NOTICIAS

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR