Autor/a destacado/a:
Celebramos o día das nosas Letras
13/05/22

Este martes 17 de maio celebramos a Florencio Delgado Gurriarán, poeta desta Galaxia, no Día das Letras Galegas. Este 2022, Galicia réndelle homenaxe ao autor de Córgomo, dedicándolle a súa efeméride máis especial. Galaxia, contribúe nesta causa incluíndo, nas súas novidades editoriais, os seus tres poemarios: Bebedeira, Galicia infindaO soño do Guieiro, e a súa Antoloxía poética, en edición de Débora Álvarez Moldes e Margarida Pizcueta Barreiro, de Florencio Delgado Gurriarán. Ao mesmo tempo que os libros Florencio Delgado Gurriarán. Poeta na terra, na guerra e no exilio. Antoloxía poética, de Xesús Alonso Montero e Vida e obra dun poeta valdeorrés, republicano e galeguista, de Ricardo Gurriarán, publicado orixinalmente en 1999 e agora recuperado por Galaxia. Obras que completan a aproximación á vida e obra do poeta, xunto con Florencio Manuel Delgado Gurriarán. Un legado infindo, publicado na colección Lectura Fácil, da autoría de Lucía Gómez Álvarez. Unha obra con pictogramas para achegar a todas e todos o labor cultural do homenaxeado nas Letras Galegas 2022. Florencio Delgado Gurriarán, avogado de formación, foi poeta, articulista, pioneiro da tradución poética interlingüística, editor literario e home ponte entre a Galicia exiliada en México e a Galicia interior, capaz de tecer asemade vínculos coa intelectualidade doutras orixes. Foi tamén un extraordinario activista cultural, promotor de iniciativas como o Padroado da Cultura Galega en México (creado en 1953), a revista Vieiros –da que foi director xunto con Carlos Velo e Luís Soto–, a audición radiofónica “Hora de Galicia”, que estivo en antena todos os domingos durante case dúas décadas, e doutras publicacións de carácter político e cultural. Por iso o seu Día das Letras Galegas será tamén unha homenaxe serodia a todo o exilio mexicano, cuantitativamente menor có arxentino pero dunha importancia igualmente capital. O autor, membro moi activo do Partido Galeguista de Valdeorras, chegou a México tras lograr escapar a través de Francia  no ano 1939. Fíxoo a bordo do Ipanema, un dos barcos que levaron os refuxiados españois a América e no que fuxiron tamén, entre outros, Roxelio Rodríguez de Bretaña, Andrés Valín, Carlos Tomé, Johán López Durá, Serafín Ferro ou o mencionado Elixio Rodríguez. Unha vez en América mantería o compromiso cívico e cultural que dende moi novo o achegara tamén ás Irmandades da Fala e ao Seminario de Estudos Galegos, do que fora socio protector. Feliz día das Letras Galegas a todas e todos!

Coloquio: “Editar en otras lenguas”, en Teruel

O venres 6 de maio, celebrarase, ás 18:15 h, dentro do programa do Salón Profesional del Libro de Cella (III Endei Norte), unha conversa que leva por título Editar en otras lenguas, na que participará Francisco Castro, director xeral de Editorial Galaxia, en compaña de representantes das editoriais Alberdania (País Vasco), Gara d’edizions (Aragón), La …

“Masaai”: Unha novela sobre o amor, a guerra e a maxia dun pobo

A Editorial Galaxia publica Maasai, de Alberto Avendaño, con ilustracións de Xosé Freixanes. Esta novela, publicada na colección Literaria, trata temas universais como o amor, a guerra ou a maxia dun pobo. A lírica de Avendaño, mestúrase co universo creativo de Freixanes dando lugar a un libro totalmente singular. Maasai fai referencia á afouteza dun …

Inauguración da exposición de Florencio Delgado Gurriarán, no Barco de Valdeorras

O mércores 4 de maio, celebrarase, ás 19 h, a inauguración da exposición “Florencio Delgado Gurriarán. Bebedeira de ensoños”, no Teatro Lauro Olmo do Barco de Valdeorras, comisariada por Ricardo Gurriarán. Esta exposición é un proxecto da Xunta de Galicia, a través da Consellería de Cultura, Educación e Universidade, no ano das Letras Galegas 2022 …

Encontro arredor da obra de Florencio Delgado Gurriarán, na Coruña

O martes 3 de maio, celebrarase, ás 13 h, un encontro, no Salón de Graos da Facultade de Filoloxía da UDC, arredor da obra de Florencio Delgado Gurriarán, a cargo de Francisco Castro, director xeral de Editorial Galaxia. Este ano, Galicia réndelle homenaxe ao poeta de Córgomo dedicándolle o Día das Letras Galegas 2022. Galaxia, …

Presentación de “Que demo de monicreque!”, en Vigo

O luns 2 de maio, ás 20 h, celebrarase, na libraría Librouro de Vigo, a presentación de Que demo de monicreque!, de Antonio García Teijeiro, ilustrado por Xosé Cobas. Acompañando o autor e ilustrador, estará Francisco Castro, director xeral de Editorial Galaxia. Antonio García Teijeiro e Xosé Cobas unen as súas forzas creativas nunha sorte …

Galaxia publica o libro da música viguesa do noso século: “Son da cidade”

Son da cidade. O libro da música viguesa do noso século, de Pablo Vázquez, ilustrado por Denis Carballás, é un ensaio ilustrado pioneiro que busca divulgar o panorama actual e descubrir a que soa Vigo. Dunha maneira visualmente atractiva, amena e accesible a todo tipo de públicos, os autores, achegan ás lectoras e lectores, á …

Galaxia publica as memorias de Rábade Paredes

A luz co tempo dentro, de Xesús Rábade Paredes, é un libro singular e personalísimo que reflexa as memorias dun dos escritores máis importantes de Galicia. Xa está en todas as librarías do país este libro, que supón unha achega ao imaxinario persoal do autor compostelán. “En certo modo fun sempre un escritor contracorrente, sen …

“A miña lingua, a túa lingua”, participará no programa ‘FalaRedes’ da Xunta

Hoxe, ás 13 h, presentouse, en Santiago de Compostela, o programa ‘FalaRedes’ 2022 da Xunta de Galicia. A Editorial Galaxia participará, en colaboración coa Secretaría Xeral de Política Lingüística e Merlín Comunicación, co espectáculo A miña lingua, a túa lingua. A cabra Lu, de OVIRAVAI. Coa chegada da primavera, ponse en marcha unha nova edición …

Dous libros de Galaxia, finalistas nos Premios Frei Martín Sarmiento

Como lágrimas na chuvia, Premio Lazarillo 2019, de Jordi Sierra i Fabra, traducido por Xesús Domínguez Dono, e Virtudes (e misterios), Premio Nacional de Narrativa 2021, Premio Blanco Amor 2019, Premio da Crítica de Galicia 2021, de Xesús Fraga, resultaron finalistas na 5ª categoría dos Premios Frei Martín Sarmiento. Este é un dos galardóns máis prestixiosos …

Blanca Millán e Ramiro J. Peraltan gañan o II Premio Alberte Quiñoi

Hoxe, na Estrada, na Casa do Concello, reuniuse o xurado para escoller a obra gañadora desta II edición do Premio de Álbum Ilustrado “Alberte Quiñoi”, formado por Andrea Jamardo Seijo, Sara Valcárcel, Rosa de Cabanas, Armando Requeixo, e Carlos Loureiro, como secretario. Despois de valorar os orixinais presentados e de levar a cabo distintas seleccións …


CATEGORIAS

AUTORES/AS

LIGAZÓNS DE INTERES

Fields marked with an * are required

Subscríbete ao noso

BOLETÍN DE NOTICIAS

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR