Autor/a destacado/a:
Convócase o II Premio de Novela Camiño de Santiago
07/04/21

A Academia Xacobea en colaboración coa Secretaría Xeral de Política Lingüística da Consellería de Cultura, Educación e Universidades da Xunta de Galicia e o patrocinio de ALUMINIOS CORTIZO S.U.L, convoca o II Premio de Novela Camiño de Santiago cuxa obra gañadora será publicada pola Editorial Galaxia, co fin de promover e divulgar o Camiño de Santiago e o fenómeno Xacobeo, de acordo coas seguintes bases: 1. A este premio poderán concorrer todos os autores e autoras que o desexen cunha novela escrita en castelán ou galego, conforme ás normativas establecidas, en cada caso, pola Real Academia Española e a Real Academia Galega. Os autores e autoras só poderán enviar unha obra a concurso, que deberá ser orixinal e inédita en todos os formatos e non poderá ter sido premiads noutros concursos. 2. Será outorgado un único premio dotado con TRES MIL EUROS (3.000.00 €) suxeitos ás retencións legais que resulten aplicables. O gañador ou gañadora recibirá tamén un diploma acreditativo e verá a súa obra publicada en galego e castelán pola Editorial Galaxia a través da súa colección literaria e do seu selo Mar Maior, respectivamente. A contía do premio inclúe a adquisición dos dereitos da primeira edición (publicación, distribución e explotación) en castelán e galego do texto gañador. Estes dereitos corresponden, en exclusiva, á Academia Xacobea, que publicará a obra a través da Editorial Galaxia S.A. Ademais faranse entrega de vinte exemplares ao autor ou autora gañadora. Así mesmo establécese un accésit sen dotación económica para a mellor obra literaria presentada na lingua que non obteña o primeiro premio, ao que se concederá tamén diploma acreditativo. O premio poderá declararse deserto sempre que o xurado considere que os orixinais presentados non reúnen a calidade suficiente. 3. O Camiño de Santiago será o tema referencial para a ficción narrativa, que deberá estar presente, de maneira notoria na obra na súa vertente física, histórica, cultural, social ou imaxinaria. Poderanse presentar novelas, relatos e conxuntos de relatos. Terán unha extensión mínima de 200 páxinas a dobre espazo e tipo de letra arial 12, con marxes non superiores a 3 cms. Os autores remitirán as súas obras, na forma, prazo e requisitos que se establecen a continuación. Enviarase o arquivo en PDF da obra completa ao correo info@academiaxacobea.gal sen mencionar a autoría, e dous exemplares mecanografados, en papel, tamaño folio, a dobre espazo á dirección postal:

Academia Xacobea Pazo de San Roque, 2

15781 Santiago de Compostela

Os exemplares deberán presentarse anonimamente e enviaranse nun sobre pechado, en cuxo exterior se indicará o título da obra, especificando: II PREMIO DE NOVELA “CAMIÑO DE SANTIAGO”. O sobre deberá conter, ademais outro sobre pechado dentro do cal se incluirá: o título da obra e a seguinte información persoal do autor: nome e apelidos, DNI, data e lugar de nacemento, domicilio, teléfono, correo electrónico, breve currículo e unha declaración expresa de que a obra non foi premiada ata a data de presentación en ningún outro certame literario, nin obxecto de publicación. Ademais deberá incluír no sobre xeral outro escrito no que conste a conformidade do autor ou autora coa cesión dos dereitos da primeira edición en papel e dixital, en galego e castelán, da súa obra para o caso de que resulte gañadora, incluídos os de publicación, distribución e explotación. 4. As novelas enviaranse antes do 15 de setembro de 2021. 5. O Xurado estará composto por cinco personalidades do mundo literario designados pola Academia Xacobea, un deles, en representación da Editorial Galaxia. Actuará como secretario do Xurado, con voz e sen voto, unha persoa designada para ese efecto. A composición do Xurado darase a coñecer, con anterioridade á súa reunión, na páxina web da Academia Xacobea. 6. O Xurado actuará en única sesión, sendo necesaria a asistencia da maioría simple dos seus membros. As deliberacións serán secretas e delas redactarase a acta correspondente. A decisión do xurado será inapelable e darase a coñecer nun acto público no mes de decembro de 2021. 7. A entrega do premio terá lugar no acto público e na mesma estarán presentes representantes da entidade convocante, das institucións colaboradoras e da editorial, así como os membros do Xurado e o gañador ou gañadora. O día concreto será feito público coa suficiente antelación na páxina web da Academia Xacobea: www.academiaxacobea.gal. 8. Non se manterá correspondencia sobre a documentación presentada polos participantes. Os orixinais non premiados serán destruídos tras facerse pública a resolución de xurado. 9. A presentación das obras supón a aceptación destas bases por parte das persoas que participen na convocatoria, que ademais teñen o deber de comunicar á Academia Xacobea a concesión de calquera premio ou publicación que obteña a obra presentada durante o transcurso do premio e que producirá a automática a exclusión do mesmo. 10. A decisión sobre os aspectos non incluídos nestas bases ou aqueles que puidesen ser obxecto de interpretación, correspóndelle á Academia Xacobea, a cal, unha vez consultados os membros do Xurado e as entidades colaboradoras, emitirá ditame que será inapelable.

Presentación de “Non te amola!”, en Moaña

O xoves 13 de maio, ás 19 h, celebrarase, nos xardíns exteriores do Concello de Moaña, a presentación do libro inédito de Xela Arias , Non te amola!, ilustrado por Luz Beloso. No acto, participarán a ilustradora do libro, a alcaldesa de Moaña, Leticia Santos Paz, Aldán Santamarina, concelleiro de normalización lingüística, e Francisco Castro, director …

“A reflexión”, de Rosalía Fernández Rial foi elixido mellor poema no aRi[t]mar

A reflexión, publicado no libro Árbores no deserto (Galaxia, 2020), da artista multidisciplinar Rosalía Fernández Rial, foi escollido o mellor poema de Galicia e Portugal do ano 2020, no prestixioso festival aRi[t]mar. Este ano celebrouse a sexta edición do certame, que tivo récord de participación, pois superou os 10.000 votos para poemas e cancións, as dúas …

Presentación da biografía e obra de Manuel García Barros, na Estrada

O martes 11 de maio, celebrarase, ás 20:30 h, no Teatro Principal da Estrada, a presentación dos libros Manuel García Barros. Vida, obra e pensamento, de Carlos Loureiro Rodríguez, e Contiños da terra, de Manuel García Barros. Acompañando o autor, asistirán Valentín García Gómez, secretario xeral de Política Lingüística, José López Campos, alcalde do Concello …

Helena Villar Janeiro será homenaxeada no Salón do Libro Infantil e Xuvenil 2021

A emblemática escritora Helena Villar Janeiro, autora habitual en Galaxia, será protagonista mañá dunha homenaxe nesta XXII edición do Salón do Libro Infantil e Xuvenil de Pontevedra xunto ao ilustrador Kiko Da Silva. Ambos os dous repiten este ano, ao non poderen recibila o ano pasado por mor da pandemia. O acto, que estará organizado …

Editorial Galaxia trae ao galego a poesía de Kirmen Uribe con “17 segundos”

O libro, tradución directa do éuscaro por parte do poeta Isaac Xubín, xa se pode atopar en librarías. A poesía de Kirmen Uribe é publicada en galego por primeira vez da man da Editorial Galaxia: o poemario 17 segundos, traducido do éuscaro polo tamén poeta Isaac Xubín e incluído na colección Dombate, compila poemas escritos …

Presentación de “A vida secreta de Úrsula Bas”, en Santiago de Compostela

O xoves 6 de maio, ás 19:30 h, celebrarase, na librería Cronopios de Santiago de Compostela, a presentación do libro A vida secreta de Úrsula Bas, de Arantza Portabales. Acompañando a autora, asistirán o xornalista Luís Pardo, e Carlos Lema, director de edicións de Editorial Galaxia. Mañá chegará a todas as librarías un dos libros máis …

Presentación de “Contra o reloxo”, en Santiago de Compostela

O mércores 5 de maio, celebrarase, ás 19:30 h, na libraría Pedreira de Santiago de Compostela, a presentación do libro Contra o reloxo, de Carlos Labraña, ilustrado por Fonso Barreiro (Fon). Acompañando o autor e o ilustrador, asistirá o crítico literario Armando Requeixo. O acto contará cunha lectura dramatizada do texto a cargo da compañía “Os …

Chega a todas as librarías “A vida secreta de Úrsula Bas”, de Arantza Portabales

O novo traballo de Portabales chegará este xoves 6 de maio a todas as librarías de Galicia. Despois do rotundo éxito de Beleza vermella, a autora volve a sorprendernos con A vida secreta de Úrsula Bas, unha novela que rescata á mesma parella de policías, Abad e Barroso, nesta nova entrega que non deixará indiferente a …

Galaxia publica “Historias da Fraga Revirada”, o novo traballo de Xosé Tomás

Publicado na colección Árbore de Editorial Galaxia, Historias da Fraga Revirada, é un álbum ilustrado que amosa á cativada a importancia de que todas e todos sexamos a persoa que queremos ser. Un libro que conta con xogos e actividades para que as máis pequenas da casa poidan ser partícipes das fermosas historias da fraga. O …

Rolda de prensa de presentación de “Alén”, en Ferrol

O venres 30 de abril, celebrarase, ás 18:00 h, no patio do Centro Cultural Torrente Ballester de Ferrol, unha rolda de prensa de presentación arredor do libro Alén, de Xaime Quintanilla. Presentarán o libro o alcalde de Ferrol, Ángel Mato Escalona, e Francisco Castro, director xeral de Editorial Galaxia. Velaquí a nova reedición de Alén, de Xaime Quintanilla, unha …


CATEGORIAS

AUTORES/AS

LIGAZÓNS DE INTERES

Fields marked with an * are required

Subscríbete ao noso

BOLETÍN DE NOTICIAS

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR