Uwe Timm naceu en Hamburgo no ano 1940, en plena Guerra Mundial. Empezou aprendendo o oficio de peleteiro, pero despois fixo estudos de Filosofía e de Filoloxía Xermánica en Munich e París. Estudou a obra do escritor francés Albert Camus, premio Nobel de literatura. Ten pasado longas tempadas da súa vida fóra do seu país, especialmente en Italia, América Latina e África. Actualmente reside en Hersching am Ammersee (Alemaña). Como escritor, cultiva distintos xéneros, incluída a novela para adultos. Os libros que escribe para nenos van dedicados aos seus fillos.