Oti Ríos, Francisco

francisco oti
Oti Ríos, Francisco

(Cabanas, A Coruña, 1954). 

Membro fundador do grupo de teatro Círculo de Perlío (1974), realizou cursos de formación teatral (iniciación, expresión, voz, mimo e produción) impartidos por Manuel Lourenzo, polo grupo francés Lles Tafurs, Juan Mandli, Alfredo Mantovany, Elvio Sciarreta e outros importantes personaxes do mundo teatral. Impartiu diversos cursos ao longo de toda Galicia, entre os que destacan Máscaras, xigantes e cabezudos e cursos de iniciación ao teatro e de plástica parateatral. Foi técnico de xestión en artes escénicas e musicais en distintas actividades e mostras relacionadas co teatro por toda Galicia. Ocupou o cargo de vicepresidente do Ateneo Ferrolán e estivo vinculado á programación teatral e artes plásticas durante catro anos, foi experto en teatro da Xunta de Galicia (programación de espectáculos en concellos) e xefe de produción do Centro Dramático Galego (produción e distribución de teatro, 34 obras durante 13 anos). Está en posesión do Certificado en Teatro, Vídeo e Artes Plásticas da Escola de Estiu de Animació Sociocultural Interacció-84 (Barcelona) e foi colaborador no 1.º Congreso Galego de Animación sociocultural (Santiago). Tamén colaborou na Escola de Imaxe e Son de Galicia (A Coruña), na periódico Educación en Galicia, na revista Cadernos de Pedagoxía, na Revista Galega de Teatro, no 1.º Congreso do Humor, Museo Carlos Maside (Sada), na Nova Orquestra de Galicia e en Encontros de Humoristas Gráficos de Galicia e Portugal (Salvaterra do Miño).

As súas obras

Xestión de proxectos e produción de espectáculos
xestion proxectos
12.90€ CON IVE