Manuel Sánchez Gálvez (Granada 1974) é enxeñeiro industrial e vive en Vigo dende o ano 2000. Iniciouse na escrita no ano 2014. A súa participación en diversos obradoiros literarios animouno a escribir en lingua galega. Publicou relatos en galego e castelán en varias antoloxías. Ademais, en 2015 acadou o Primeiro Premio no XIII Certame da Lonxa Literaria de Moaña e foi finalista do Concurso de Novela por Entregas de La Voz de Galicia cunha historia que finalmente se converteu neste Maelström, Maelström, a súa primeira novela, que reborda paixón pola cidade que tan ben o acolleu