Luís Bugarín Pereira Naceu en 1962 en Tui, á beira do río Miño, onde segue a vivir. Estudou Filoloxía Galega na Universidade de Santiago de Compostela e, actualmente, é profesor de ensino secundario no instituto da Guarda. Río abaixo é a súa introdución no ámbito da literatura xuvenil galega, unha novela apaixonante que, partindo do contexto concreto da raia mollada, engaiola os lectores coa fascinación da Historia en xeral.