Soren Kierkegaard (Copenhague, 1813-1855) doutorouse en 1841 cunha tese titulada Sobre o concepto da ironía. Posteriormente, a súa vida viuse marcada polo noivado, desfeito despois dun ano, con Regina Olsen. Como pensador, a súa obra caracterízase por un xeito singular de concibir a escritura e polo emprego de pseudónimos cos que cuestiona a figura do autor como alicerce dunha estrutura de control do discurso e do significado.