Iolanda Zúñiga (Vigo, 1975). Como narradora publicou o libro de relatos Vidas post-it (Xerais, 2007), traducido ao castelán e ao catalán no selo Pulp Books (2013), e ao éuscaro en Pasazaite Liboruak (2014). É autora tamén das novelas Periferia, galardoada co Premio Xerais 2010, e Noites de safari. Manual sobre amantes desorientados (Xerais, 2018). En poesía publicou Amor amén (Xerais, 2008) e, nas redes sociais, mantén un proxecto chamado #GravaciónsRuíns, onde recita textos propios, inéditos en papel e próximos á poesía oral slam.