Natural de Cambados, é licenciado en Dereito Canónico pola Universidade de Navarra e doutor en Dereito coa defensa da tese El derecho de libertad religiosa y los orígenes del protestantismo en Galicia: 1868-1931, na sede central en Madrid da Universidade de Educación a Distancia.
Foi profesor de Ética e Relixión e, dende 1995, delegado diocesano de Ecumenismo do arcebispado de Santiago de Compostela.
Das súas publicacións, sinalamos: Félix Moreno Astray:un heterodoxo gallego (1992), Las confesiones no-católicas en Galicia (1993), Sectas e novos movementos relixiosos en Galicia (1997), e O protestantismo en Galicia. Unha historia centenaria, esquecida (1999).