Denis Diderot (Langres, 1713-París, 1784) é un dos principais escritores e filósofos da Ilustración. Novelista, dramaturgo, ensaísta, crítico de arte e crítico literario, tradutor. Ben coñecido pola súa erudición e o seu espírito crítico, deixou a súa pegada en todos os xéneros literarios que cultivou. Pon os alicerces do drama moderno no teatro, revoluciona a novela con Xácome o fatalista, inventa a crítica cos seus “Salóns” e supervisa a redacción da Encyclopédie, obra sobranceira da Época Moderna. En filosofía, destaca ao propoñer un razoamento autónomo no canto dun sistema completo, pechado e ríxido.