Helena de Carlos (Barbantes, Cenlle, 1964) é doutora en Filoloxía Clásica e profesora titular do Departamento de Latín e Grego da Universidade de Santiago. Especializada en estudos sobre a latinidade medieval, levou a cabo as súas investigacións en cidades como Lisboa, München e Florencia.

Como poeta colaborou en revistas como Nordés, Festa da Palabra Silenciada, Dorna, Ólisbos e Alquimia. 1999 foi o seu segundo libro de poemas, logo de Alta Casa (1996).