Antón Riveiro Coello

Antón Riveiro Coello Naceu en Xinzo de Limia, no ano 1964. Cursou estudios de Dereito na Universidade de Santiago e actualmente traballa na administración autonómica. Riveiro Coello é un dos narradores máis premiados dos xurdidos na literatura galega durante a pasada década. Ademais dun gran número de relatos en libros colectivos e revistas literarias ten publicadas as novelas Valquiria (1993, premio Camilo José Cela), A historia de Chicho Antela (1997), A quinta de Saler (1999), coa que foi finalista do premio Torrente Ballester, así como as recompilacións de relatos Parque Central(1996) e Airadas de palabras (1998), onde se recollen os contos que lle foron premiados nos certames Manuel Murguía e Modesto R. Figueiredo entre os anos 1991 e 1997. Con Animalia (2000) obtivo o premio Café Dublín correspondente a 1999. As rulas de Bakunin recibiu o premio García Barros en 2000, ano no que tamén logrou o Álvaro Cunqueiro de Narrativa con Homónima. En 2007 publica en Galaxia A voz do lago, novela coa que se adentra na creación literaria para os lectores máis novos, e na colección Literaria Os ollos de K.

OUTRAS OBRAS DO AUTOR/A

mercar	O paraíso dos inocentes PREMIO TORRENTE BALLESTER 201920,00€	mercar	Á sombra dos bonsais Non sempre as grandes historias precisan de moitas palabras.15,50€
mercar	A ferida do vento En 1978, Antón ten quince anos e, logo de tres meses de internado, volve a Xinzo de Limia coa emoción de ver a súa primeria moza.14,75€	mercar	Laura no deserto Compostela, Barcelona, Europa durante a Segunda Guerra Mundial, Nova York a fins do século XX, son os escenarios dunha obra narrativa que ergue un sólido universo e entra na alma dos personaxes para nos falar cunha voz intensa sobre a identidade, a culpa, o amor ou a liberdade.28,75€
mercar	As rulas de Bakunin Guerra Civil e anarquismo nunha novela histórica magnificamente narrada e con 4 edicións vendidas. Unha novela que como di o seu autor "me permitiu vivir outras vidas".17,50€	mercar	Os elefantes de Sokúrov Premio Fervenzas Literarias 2015 ao Mellor Libro de Narrativa Na súa nova novela, Antón Riveiro Coello conta a historia de Janis, quen na Compostela de 2012 se enfronta a un difícil presente, o da crise económica, ao tempo que sente a necesidade de coñecer o seu pasado, as razóns dunha existencia da que non albisca futuro.23,75€
mercar	A voz do lago No mes de setembro de 1927 María Mariño e mais a súa familia deixan a rúa Cega de Noia para se mudaren ao lugar de Escarabote (Boiro), preto do pazo de Goiáns. A partir deste feito da biografía da poeta, esta novela tece historia, lenda e imaxinación.9,80€	mercar	Acordes náufragos Este libro recolle nove relatos escritos en diferentes épocas da vida do autor.14,50€
mercar	Homónima Unha aventura que transcorre en México, nun ambiente de misterio e violencia primitiva.17,50€	mercar	A quinta de Saler Un editor contrata a dous escritores, que non se coñecen entre eles, para que escriban unha novela compartida sobre O liberal de Saler, un home que intentou instaurar unha especie de comunismo no antigo Couto Mixto, aquel territorio de soberanía compartida na raia ourensá.15,60€
mercar	Animalia Este libro agrupa relatos nos que a nota dominante é a presenza do estraño e o insólito na experiencia cotiá.12,75€	mercar	A esfinxe de Amaranto A historia dunha familia con orixes no Oriente e na raia seca galega a través das voces das súas mulleres.20,75€
mercar	Casas baratas As vivencias e as experiencias que constitúen a memoria da adolescencia son as que nutren Casas baratas. Un libro de contos co que Antón Riveiro Coello se debruza sobre o tempo no que se forma a personalidade e sobre o que se constrúe a memoria individual.14,90€	mercar	Os ollos de K O escritor Suso Paradela convértese involuntariamente no protagonista dunha novela que escapa ao seu control.17,50€