O conselleiro de Cultura, Roberto Varela, foi o encargado de entregar as estatuíñas conmemorativas dos premios Losada Diéguez correspondentes a este ano que recaeron en Xulia Alonso, no eido de creación literaria, e Francisco Calo Lourido na modalidade de investigación e ensaio, que recibiron 6.000 euros cada un.
Como mantedor do acto estivo presente o escritor alaricano Alfredo Conde, que destacou a Losada Diéguez coma 'elemento conciliador do galeguismo, que non é privilexio nin patrimonio de ninguén, e que debe servir de exemplo para evitar as pelexas da actualidade'. Conde avogou por un 'clima conciliador' e un rescate dos valores que figuran nas obras galardoadas, 'Futuro imperfecto', de Xulia Alonso, e 'Os celtas. Unha revisión dende Galicia', de Calo Lourido.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR