Ábrese a novena edición de Inspiraciencia, un concurso de relatos de inspiración científica impulsado pola Delegación do Consello Superior de Investigacións Científicas en Cataluña coa colaboración da Fundación Española para a Ciencia e a Tecnoloxía, e onde a Editorial Galaxia é unha das entidades promotoras. O prazo de presentación dos relatos finaliza o 19 de xuño.

Inspiraciencia é unha iniciativa que relaciona ciencia e escritura dunha maneira lúdica, un espazo aberto para pensar e imaxinar a ciencia dende a ficción. Nace coa intención de fomentar o achegamento ao pensamento crítico a través da escritura, a transformar a ciencia nunha creación literaria. Os participantes poden presentar relatos curtos, cun máximo de 800 palabras en castelán, catalán, galego ou éuscaro, nunha das dúas categorías existentes: mozo (de 12 a 17 anos) ou adulto (a partir de 18 anos).

Como novidade desta edición, o concurso celebrará un taller en Barcelona o día 4 de xuño ás 17:00h sobre xénero e ciencia ficción a cargo de Paula Talero  e Sabela Rey, especialistas en estudos de cinema e codificación de xénero, que actualmente traballan na Delegación do CSIC en Cataluña. Está previsto que este taller poida levarse a outras cidades.

O acto de entrega de premios terá lugar en San Sebastián e contará coa colaboración especial do Aquarium Donostia-San Sebastián e do Centro de Física de Materiais CSIC / EHU. Está previsto que se celebre no Aquarium o día 6 de setembro.

Animádevos a participar!

Podes descargar as bases aquí.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR