As vindeiras novidades de Galaxia

Na Editorial Galaxia xa estamos desexando que chegue setembro para que poidades gozar das mellores lecturas, para todos os públicos.
Dentro da categoría de premios, está previsto que vexan a luz O paraíso dos inocentes, Premio Torrente Ballester 2019, de Antón Riveiro Coello, Flores de ferro, Premio García Barros 2020, de María Rei Vilas, e O enigma do baúl pechado, Premio Carlos Mosteiro 2019, de Xosé A. Neira Cruz.
Seguindo a liña da Colección Grandes Biografías, chega o segundo tomo de Castelao. Construtor da nación, de Miguel Anxo Seixas Seoane, despois de que Castelao. Construtor da nación. Tomo I. 1886-1930 resultara gañador do Premio á Iniciativa Bibliográfica, na Gala do Libro 2020.
Na sección Literaria, publicaremos títulos coma Silencio, de Agustín Agra ou Corazón de manteiga, de Xavier Queipo.
Para a cativada, na categoría infantil e xuvenil, Dormente, de Raquel Castro, publicarase na colección árbore, e Berta Mir detective. O caso do chantaxista roibo, de Jordi Sierra i Fabra, en Costa Oeste.
Unha novidade que reflexa a situación actual é Illados. Diario dunha pandemia, unha reportaxe que mestura palabra e fotografía, de María López Sández, coas imaxes de Miguel Muñiz.
Estes libros son só unha mostra de todo o talento que está por vir á editorial, en forma de letras e pensamento. Esperamos que gocedes moito das lecturas.