Este venres será especialmente activo no que a presentacións de libros se refire. Por unha banda, en Compostela, ás 20:15 h, na librería Lila de Lilith, a escritora Begoña Caamaño presentará 'Morgana en Esmelle'. Estará acompañada pola profesora e crítica María Xesús Nogueira, a cantante Guadi Galego e o músico Guillerme Fernández.
E no Porriño, un chisco despois, ás 20:30 h, no Círculo Recreativo Cultural, Manrique Fernández presentará 'Diabolus in música. Conversas con Rogelio Groba' Participan, canda o autor, Víctor F. Freixanes, director xeral de Galaxia e o propio Rogelio Groba. Haberá unha audición comentada de fragmentos das súas obras polo propio compositor.
