Dende o primeiro día no que saíu publicada, A Esmorga, de Eduardo Blanco Amor converteuse nun clásico. Para moitos, e semella algo incuestionable, estamos diante da mellor novela nunca escrita na nosa lingua. Quizais por iso, xeración tras xeración, milleiros de galegos e galegas volven cada ano os seus ollos cara esta obra que profunda no destino tráxico de tres personaxes para sempre inesquecibles.
Estes días, vai chegando ás librerías de todo o país a 4ª edición desta novela dende que está inserida dentro da Biblioteca Blanco Amor que abrimos hai anos en Galaxia e que concentra o máis brillante de toda a súa enorme, en todos os sentidos da palabra, produción.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR