O vindeiro mércores 31 de xullo rematará o prazo para participar na XIII edición do Premio de Narrativa Breve Repsol.

Convocado pola Fundación Repsol, a Consellería de Cultura da Xunta de Galicia e a Editorial Galaxia, o Premio de Narrativa Breve Repsol nace coa intención de contribuír ao desenvolvemento da literatura en galego.

O premio conta cunha dotación económica de 12.000 euros e a publicación da novela curta por parte da Editorial Galaxia na súa colección Literaria. Para participar, os textos deben ser orixinais e escritos en galego, conforme á normativa establecida pola Real Academia Galega, cunha extensión mínima de 50 folios e máxima de 120.

Unha vez pechado o prazo, un xurado decidirá a obra gañadora que se dará a coñecer no mes de setembro. Este xurado estará conformado por cinco membros que representarán á Fundación Repsol, a Secretaría Xeral de Política Lingüística da Consellería, a Real Academia Galega, a Asociación de Escritoras e Escritores en Lingua Galega e a Editorial Galaxia.

Podes consultar as bases ao completo aquí.

Non esperes máis para participar!

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR