A feira estaba animada, malia a choiva que caeu esa tarde, tal que marca a tradición en Compostela. Manuel Núñez Singala presentou "Instrucións para tomar café", da man de Arturo Ponte e Víctor F. Freixanes, que o acompañaron. María Lopez Sande, unha hora despois, "O faro escuro", da man de Inma Otero e outra vez Freixanes.
Dous libros distintos para disfrutar da lectura. O de Singala son relatos concentrados, intelixentes, críticos, una radiografía do país e dos galegos (dos seus comportamentos, as súas teimas, a súa maneira de ser) escrita dende o humor e una fina retranca, cunha prosa àxil, directa, eficaz. Aos poucos meses de saír xa vai pola segunda edición.
A novela de Lopez Sandez una incursión na novela negra por parte da autora de "Paisaxe e nación" (Premio de ensaio Ramón Piñeiro) que confirma unha excelete narradora. Foi finalista do premio de novela por entregas de La Voz de Galicia. "Un xénero que me gusta, porque esixe moita tensión narrativa e permite adentrarse na psicoloxía individual e mesmo da psicoloxía profunda dos comportamentos e as decisións morais". Dedicada ao seu pai, un afeccionado ao xénero.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR