Estás aquí:

Código: 356

Vredaman

19,50  IVE INCLUIDO
Logo de Un tranvía cara a SP, que foi Premio Nacional de Literatura no ano 2002, e O pelo de Van`t Hoff, o escritor vasco Unai Elorriaga publica Vredaman, a súa terceira novela, que agora aparece traducida para o galego para o galego igual ca dúas anteriores.
A historia dun neno que pretende acadar a intelixencia e a dos personaxes peculiares e imprevisibles que o rodean fan que en Vredaman o humor e a sorpresa se combinan nun relato no que imaxinación e pensamento crítico van parellos. O título da novela é a mestura do nome dun dos personaxes de As I lay Dying de William Faulkner, un neno chamado Vardaman, e do nome do pintor holandés Vredeman de Brie, que tivo un fillo que nunca pintou un cadro orixinal, senón que o único que fixo foi copiar os do seu pai.

Unai Elorriaga relata nesta novela a historia de Tomé, un neno que persegue a intelixencia e como, para conseguilo, ten que chegar a aceptar a existencia da morte. A carón do protagonista, xorden as historias dos membros da súa familia e dos seus amigos: dun avó ebanista que se burla da hipocrisía e da necesidade de aparentar, un tío que quere recuperar o espírito comunal do deporte, unha muller que tivo un mozo durante corenta anos, pero nunca chegou a casar con el e unha tía que anda na procura dun exemplar rarísimo de cabalo do demo azul.

A novela ten moito de xogo, pero máis alá do lúdico os lectores e lectoras han gozar coa súa lúcida reflexión sobre os seres humanos. Un relato perfecto que medra en emoción a medida que se aproxima ao final. Vredaman fala, entre outras moitas cousas, sobre a estraña relación entre intelixencia e morte, pero non o fai dun xeito seco e abstracto, senón a través de historias concretas e conmovedoras. Elorriaga, tamén nos fala da interesada utilización de palabras como " triunfador" ou "perdedor"; fálanos desas razóns que, malia non teren sentido, cambian a vida dos seres humanos, case sen que se decaten e, fálanos tamén, dos que pretenden dicir como temos que pensar.

Comparte nas túas redes sociais ou por email

Detalles do libro

Páxinas: 184
Deseño: Rústica con lapelas
Data Publicación: 29/05/2006
Dimensións 14 x 21 cm. mm.
Colección: Literaria
Nº na colección:
Edición: 1ª
Editorial: Galaxia
ISBN: 978-84-8288-924-5
Observacións:

AUTORES/AS

Elorriaga, Unai
1185792544elorriaga,_unai

Nacido en Algorta, Getxo en 1973, Unai Elorriaga é filólogo de formación e tradutor de oficio. Tamén colabora na prensa escrita en éuscaro. Editorial Galaxia publicou a tradución para o galego da súa primeira novela Un tranvía cara a SP, coa que o autor colleitou un indubidable e mesmo sorprendente éxito de público e crítica, referendado pola obtención do Premio Nacional de Literatura do ano 2002. En 2004 apareceu a súa segunda novela, O pelo de Van’t Hoff editada en Galaxia. Tamén en Galaxia no ano 2006 publica Vredaman.

As súas obras

Un tranvía cara a SP
un tranvia sp
17.95€ CON IVE

COLECCIÓN

Literaria

1Q84. Libro 3
libro3
24.10€ CON IVE
1Q84. Libros 1 e 2
1q
27.40€ CON IVE
O sono das sereas (XI Premio Repsol 2017)
o-sono-das-sereas
16.70€ CON IVE
70º norte
9788411761420
21.95€ CON IVE
900
900
22.00€ CON IVE
A agonía das folerpas
9788491519201
24.40€ CON IVE
A beleza debe morrer
9788411760188
19.90€ CON IVE
A bisneta lercha
a bisneta lercha
14.70€ CON IVE