As cruces de pedra na Galiza (Simil pel)
Menu
Menu
Un achegamento sistemático e esencial ás ideas de Castelao
Esta "Antoloxía" de Sempre en Galiza quere ser un instrumento axeitado para a introducción ó pensamento de Castelao, fundamentalmente no relativo a aqueles temas que poden revestir un interese especial para o lector de hoxe. Como o propio antólogo explica no limiar do libro, tratouse de escolmar textos que falasen de "problemáticas que agora mesmo son motivo de controversia ou que carecen dunha plena resolución" e para as que o pensamento de Castelao segue a ser un importante punto de referencia. A antoloxía divídese en dous grandes bloques temáticos: ideario político e posicións lingüístico-culturais. Cada apartado vai seguido dunha "Guía para o comentario de textos" que, complementada coas aclaratorias notas a pé de páxina, conforman un libro concibido para o traballo na aula e para unha aproximación ó pensamento de Castelao.
Alfonso Daniel Rodríguez Castelao (Rianxo 1886-Bos Aires 1950) é unha das personalidades máis ricas e fecundas do movemento galeguista. Licenciado en Medicina, abandonou moi cedo a práctica desa profesión para dedicarse ás que eran as súas verdadeiras vocacións: a arte e a reivindicación integral de Galicia. A súa actividade desenvolveuse na creación literaria, no xornalismo gráfico, na pintura, no teatro e na política. Membro destacado da Xeración Nós e home comprometido, no marco do Partido Galeguista, coa defensa da autonomía para Galicia e coa causa republicana, a súa figura alcanzou co paso do tempo unha dimensión mítica. Entre as súas obras máis importantes están Cousas, Cousas da vida, Os vellos non deben de namorarse, Os dous de sempre, Sempre en Galiza e Retrincos.
En 2011 a Xunta de Galicia declarou a súa obra Ben de Interese Cultural.
