Olympia ring

17,90€

mercar

Olympia Ring, 1934

Xabier López López

O regreso de Sebastián Faraldo

Premio Fervenzas Literarias á Mellor Portada 2014

O xornalista pontevedrés Sebastián Faraldo viaxa a Barcelona para escribir sobre o combate polo título mundial de peso pluma. Estamos en 1934, con Cataluña sumida en plena euforia republicana e nacionalista. O boxeador galego Manuel Ramírez Castro, alcumado o Camión, vai participar na mesma serie de veladas para intentar atopar o seu sitio no mundo das catro cordas. En Olympia Ring, 1934, Xabier López López fai regresar ao carísmático xornalista, obeso e sentimental, que lectoras e lectores coñecen da novela A vida que nos mata, coa que o seu autor obtivo o Premio García Barros en 2003.
Barcelona, outono de 1934. Mentres a cidade se recupera das consecuencias da frustrada proclamación do Estado catalán, os afeccionados ao boxeo prepáranse para presenciar o combate polo título mundial do peso pluma entre Josep Gironés e Freddie Miller. Na mesma serie de veladas tamén vai participar o prometedor púxil galego Manuel Ramírez Castro, O Camión, desexoso de atopar un oco no mundo das catro cordas. Ata alá viaxa Sebastián Faraldo, reconvertido en cronista deportivo.
Ninguén pode sospeitar que a lona vai ser escenario dun sofisticado asasinato.
Olympia ring, 1934 é unha novela que revitaliza o xénero negro ao hibridalo coa novela histórica. A actualidade política da España de 1934 e o ambiente do boxeo e dos baixos fondos —con antecedentes claros na novela negra e no cinema norteamericanos— conflúen nunha ficción na que as referencias á cultura de masas comparten territorio con chiscadelas humorísticas e un xeito sabio de dispoñer o material narrativo para engaiolar lectores intelixentes, que gusten de xogar co autor nesta pescuda da xustiza a través do tempo.

Recensións


Detalles

  • Páxinas : 308
  • Deseño : Rústica con lapelas
  • Dimensións : 135 x 210
  • Data Publicación : 2014-09-01
  • Colección : Literaria
  • Editorial : Galaxia
  • ISBN : 978-84-9865-544-5
  • Edición : 1

Noticias relacionadas



Actividades relacionadas


Novidades

grial-222Grial 222 VV.AA.

Autor/a

xabier lopez lopez

López López, Xabier
Xabier López (Bergondo, 1974) é autor dunha extensa obra narrativa que inclúe novelas coma Doutor Deus (1999), A estraña estrela (2003), A vida que nos mata (2003), Trinta e dous dentes (2007), Ca­deas (2013) e Olympia Ring, 1934 (2014), ademais do libro de relatos Os libros prestados (2010). Como escritor de literatura infanto-xuvenil publicou, entre outras obras, Biff, bang, pow! (1997, 2014), Cando Artur non era rei (2012) e O segredo da vella librería (2018). En castelán, obtivo en 2018 o Premio Juan March Cencillo de novela breve con Max & Franz. As súas obras foron traducidas para o castelán, o portugués, o inglés, o árabe e o chinés. Recibiu diversas distincións, entre elas o Premio Risco de Literatura Fantástica, os premios García Barros e Xerais de novela, o Premio da Crítica Española e o Lueiro Rey de novela curta.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR