Cousas da vida. Caciques
Menu
Menu
Por primeira vez nun só volume todas as obras literarias de Castelao
Todas as obras de ficción de Castelao aparecen reunidas neste tomo. A edición, a cargo de Manuel Rosales, inclúe numerosas notas a pé de páxina e unha introducción. Ademais de Un ollo de vidro, Cousas, Retrincos, Os dous de sempre e Os vellos non deben de namorarse, inclúense neste volume prosas recuperadas e un apéndice con textos variados.
Alfonso Daniel Rodríguez Castelao (Rianxo 1886-Bos Aires 1950) é unha das personalidades máis ricas e fecundas do movemento galeguista. Licenciado en Medicina, abandonou moi cedo a práctica desa profesión para dedicarse ás que eran as súas verdadeiras vocacións: a arte e a reivindicación integral de Galicia. A súa actividade desenvolveuse na creación literaria, no xornalismo gráfico, na pintura, no teatro e na política. Membro destacado da Xeración Nós e home comprometido, no marco do Partido Galeguista, coa defensa da autonomía para Galicia e coa causa republicana, a súa figura alcanzou co paso do tempo unha dimensión mítica. Entre as súas obras máis importantes están Cousas, Cousas da vida, Os vellos non deben de namorarse, Os dous de sempre, Sempre en Galiza e Retrincos.
En 2011 a Xunta de Galicia declarou a súa obra Ben de Interese Cultural.
