obed

19,70€

mercar

Obediencia

Antón Lopo

Premio García Barros 2010

Antón Lopo sitúa a súa novela no século XXII, nunha Galicia republicana na que o goberno perdeu o control sobre todo o territorio agás a capital, Compostela. A cidade é centro dunha puxante economía que se contrapón á mísera Alemparte, un deserto salvaxe sen regulamento democrático.

Nunha residencia de Compostela para científicos con problemas piscolóxicos, está ingresada Elba Mácara, unha paciente con crises de amnesia que cre prever o destino mediante cálculos matemáticos. Cando menos o agarda, Mácara consegue fuxir para refuxiarse na Alemparte, un ermo salvaxe onde ten base o grupo resistente Alogon.

Cunha enorme forza creadora, utilizando unha linguaxe que evoca as imaxes do cinema de ciencia ficción, Lopo vai introducir os lectores e as lectoras en paisaxes imprevisibles, inzadas de mutantes, salteadores e traficantes de alcaloides. En Obediencia, a intriga desenvólvese freneticamente en torno a unha obsesión: descubrir a posición de Lef, un número natural perdido na memoria dos tempos… A loita polo poder e polo control da mente tampouco queda fóra desta singular e apaixonante novela de aventuras na que os protagonistas viaxan por unha Galicia sorprendente.

Recensións


Detalles

  • Páxinas : 352
  • Deseño : Rústica con lapelas
  • Dimensións : 135 x 210 mm
  • Data Publicación : 2010-11-17
  • Colección : Literaria
  • Editorial : Galaxia
  • ISBN : 978-84-9865-318-2
  • Edición : 1

Noticias relacionadas

Galaxia no Culturgal2011-02-04 15:02:46


Actividades relacionadas

Antón Lopo no Culturgal2010-11-26 19:00:00

Novidades

o-segredo-das-burgasO segredo das burgasAndrés Pombo Graña

anton lopo

Lopo, Antón
Poeta, narrador e artista. É xornalista e coordinador da "Revista das Letras" e da sección "Maré" do xornal Galicia Hoxe.

A distancia do lobo. Biografía de Uxío Novoneyra supón a súa terceira aproximación biográfica a un escritor galego: en 1992, publicou a Fotobiografía de Fermín Bouza Brey e, en 2004, en Editorial Galaxia, As tres mortes de Lorenzo Varela. Antón Lopo deuse a coñecer como poeta con Sucios e desexados (1988), Manual de masoquistas (1991) ou Fálame (2003); tamén é autor das novelas As reliquias (1991) e Ganga (2001).

En 2010 recibiu o Premio García Barros pola novela Obediencia.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR