Grial 218

VV.AA.

No V centenario da Reforma protestante, 1517-2017

GRIAL, 218 No V centenario da Reforma protestante.

GRIAL  aborda neste número 218 a conmemoración dun feito histórico que marcou a cultura de Occidente, o seu desenvolvemento político, cultural, económico e espiritual: a fixación nas portas da igrexa do pazo de Wittenberg, en Alemaña, das 95 teses que o monxe agostiño Martiño Lutero redactou contra o tráfico de idulxencias e a prol dunha reforma profunda da Igrexa de Roma, principio do que hoxe coñecemos como a Reforma Protestante.

Van cincocentos anos daqueles feitos (1517-2017). A Reforma Protestante, coa conseguinte ruptura entre a autoridade do Vaticano e as novas igrexas que inician camiño propio no norte de Europa, en Alemaña, nos Países Baixos, etc., é moito máis ca unha confrontación teolóxica, mesmo tendo fundamento na teoloxía; a Reforma significou un novo tempo e unha nova visión do mundo con extraordinarias repercusións na economía (a aparición de novas formas de capitalismo, tal que estudou Max Weber), unha nova relación co libro (Gutenberg) e o acceso ao coñecemento (a través da lectura directa da Biblia e a alfabetización masiva das familias), horizontes novos para a política, na medida en que centra no individuo (no ser humano) as capacidade de decisión e administración, unha nova esperitualidade, etc…

Nas páxinas de GRIAL, que xa abordou a cuestión, a xeito de adianto, nun ensaio do profesor Barreiro Rivas no número 218,convocamos a varios especialistas, historiadores, profesores de teoloxía, sociólogos da cultura, para abordar un feito que, como dixemos, marcou decisivamente a historia occidental: Pegerto Saavedra, Benito Méndez, Alfonso Novo, Xulio Valcárcel…

Como tema complementario: a emigración a través de dúas experiencias que están de actualidade. Xoán Anllo, ensaista e viaxeiro, aborda o asociacionismo da emigración galega en Europa a través da asociación “A Nosa Galiza”. Cumpríronse  40 anos dende a súa fundación, avivada por movementos de esquerda democrática na década dos 60. O historiador Hugo José Rodino, pola sua banda, salienta o patrimonio doutra institución histórica, arestora en proceso de crise, o Centro Galego de Buenos Aires (1879). Rodino fai un reconto miúdo dos tesouros documentais e artísticos da institución, primeira referencia dos galegos na Arxentina, á espera nestes intres de posicionamentos decididos para a sua conservación.

Jorge Mira e Daniel Soutullo tratan cuestión de carácter científico e histórico: a cuestión horaria das fisterras atlénticas respecto do eixo solar, e a chamada “gripe española” cen anos despois. Ademais doutros temas e das sección fixas da publicación, que se recollen no Sumario, o numero 218 de GRIAL remata cun ensaio do editor Carlos Lema: “A contrafío das mulleres”.

Recensións


Detalles

  • Páxinas : 156
  • Deseño : Rústica
  • Dimensións : 185 x 270
  • Data Publicación : 31/07/2018
  • Colección : Grial
  • Editorial : Galaxia
  • ISBN :
  • Edición : 1
  • Nº na colección : 218
  • Observacións :

Noticias relacionadas



Actividades relacionadas


Novidades

9788491514053Atranco no bancoManuel Núñez Singala
9788491514060A sombra das árboresAna Abad de Larriva
9788491514015Os jeans de MaríaLois Alcayde Dans
9788491514046CarruselBerta Dávila

VV.AA.

VV.AA.,


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR