Grial 210

VV.AA.

Feminismo (os)

Marilar Aleixandre, compañeira do consello de redacción de GRIAL e recentemente elixida membro do plenario da Real Academia Galega, coordina este numero monográfico da revista dedicado ao feminino. Feminismos (os) en plural, para salientar a diversidade de posicionamentos e perspectivas que o movemento amosa e que en parte están tamén recollidos nestas paxinas. Saleta de Salvador, Iolanda Martínez, Carmen Castro, Olga Castro, Encarna Otero e Mariam Mariño abordan a cuestión feminina dende a economia, a empresa, a organización social, a lingüística, a arte…, tanto dende unha perspectiva universal como dende a tradición galega.
Non é a primeira vez que GRIAL aborda esta cuestión, certamente representativa do noso tempo: a presenza da muller en todos os ámbitos da vida social, ideolóxica, filosófica, política… O número 176, correspondente aos meses de outubro-novebro-decembro de 2007, estivera dedicado a "Xénero, sexo e sexualidade: unha ollada dende o feminismo", número que despertou grande interese, coordenado daquela por Dolores Vilavedra e María Xosé Agra.
No mesmo número da revista (210) que se distribúe agora en librerías e entre os subscritores, abórdase a memoria do centenario das Irmandades da Fala, recuperando o epístolario entre Antón Vilar Ponte e o nacionalista catalán Joan Estelrich nos anos 20 do pasado século. O traballo vén contextualizado e anotado polo profesor Joaquín Ventura. GRIAL dedicará máis extensamente ás Irmandades da Fala o seu próximo número 211, correspondente aos meses de xullo, agosto e setembro. En certa maneira o traballo do profesor Ventura é un adianto.
David Pintor amósanos un documentado e interesantísimo panorama da actual creación dos ilustradores galegos, acaso unha das manifestacións artísticas e de comunicación mais celebradas nos últimos tempos, con figuras recoñecidas mesmo internacionalmente. Luis Pérez Rodríguez recrea a relación entre Federico García Lorca e o escritor galego Carlos Martínez-Barbeito, coincidindo cos 80 anos do asesinato do poeta granadino e da edición dos seus "Seis poemas galegos" na editorial Nós. E Marta Gómez Ocampo ofrécenos un ilustrativo traballo de sociolingüística sobre a suposta "imposición do galego".
No Sumario que se adxunta poden os lectores e lectoras pescudar con máis detalle os contidos deste número da revista GRIAL.

Recensións


Detalles

  • Páxinas : 148
  • Deseño : Rústica
  • Dimensións : 180 x 270
  • Data Publicación : 2016-07-27
  • Colección : Grial
  • Editorial : Galaxia
  • ISBN :
  • Edición : 1

Noticias relacionadas

Feminismo (os)2016-08-29 09:06:58
As voces das mulleres2016-09-19 08:21:58


Actividades relacionadas


Novidades

a-senda-de-salA senda de salFran Fernández Davila
a-liberdade-no-seculo-xxiA liberdade no século XXIEnrique Sáez Ponte
o-cidadan-perfectoO cidadán perfectoRaquel Ricart Leal

VV.AA.

VV.AA.,


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR