Grial 199

VV.AA.

Como mellorar a capacidade forestal en Galicia?

O xardín dos avós

Así titula o editor a súa carta que abre este número da revista: "O xardín dos avós", centrado nas reflexións, información e debates que se desenvolveron contra o mes de abril deste ano na sede da Fundación Barrié (A Coruña), organizados pola Asociación de Antigos Bolseiros da fundación (Diálogos 03). Con anterioridade, a nosa revista xa recollera as achegas dos Diálogos 01 (sobre as expectativas da investigación en Galicia) e os Diálogos 03 (sobre o mundo e a cultura das concentracións urbanas).
Coordinado polo arquitecto Antonio García Fernández participan neste numero profesionais e especialistas na economía forestal e na cultura do bosque, unha das riquezas obxectivas da realidade galega con importates deficiencias de organización e explotación. Os incendios forestais que periodicamente aburan a nosa comunidade non son máis ca un síntoma dunha situación que precisa de actuacións decididas e estratéxicas.
Galicia dispón de arredor de dous millóns de hectáreas susceptibles de ser explotadas neste sector, case que o 60 por cento do territorio, o que representa máis da metade da produción forestal do Estado. A tese dos autores dos traballos que conforman o monográfico é que esa riqueza non só está subexplotada senón que amosa deficiencias estruturais graves, en gran medida resultado da transición acelerada e mal deseñada da economía tradicional ás novas formas de explotación capitalista. O monte galego é un tesouro mal xestionado, cando non abandonado, que de cando en vez é noticia na crónica de sucesos e que, con todo, podería constituír unha das fontes de desenvolvemento do noso sector primario.
No tempo dos nosos avós, o monte tiña unha función moi concreta na economía tradicional. Coidábase coma un xardín. Hoxe fica deixado de man. O monográfico aborda estas cuestións dende unha perspectiva ampla: o patrimonio, a cultura do monte, a riqueza forestal, a organización do territorio, os problemas de despoboamento do mundo rural…
Completa o número da revista unha nota de lembranza da figura e a obra de Benxamín Casal (1935-2013), presidente de Editorial Galaxia, que nos deixou o pasado mes de agosto. Ramón Villares escribe unha reflexión sobre a súa persoa e a súa contribución á cultura galega.
A maiores incluímos traballos de Xurxo Martínez González sobre a figura de Aurelio Aguirre, un ensaio sobre a creación dramática no período da xeración Nós (Manuel F. Vieites), unha relflexión sobre a evolución social do éuscaro (Patxi Baztarrika Galparsoro) e un traballo sobre a controversia entre xenética e ambiente, no marco da bioloxía molecular (Daniel Soutullo), ademais das habituais seccións de libros, creación e Rego da Cultura.

Recensións


Detalles

  • Páxinas : 148
  • Deseño : Rústica
  • Dimensións : 185 x 270
  • Data Publicación : 2013-11-06
  • Colección : Grial
  • Editorial : Galaxia
  • ISBN :
  • Edición : 1

Noticias relacionadas



Actividades relacionadas


Novidades

os-fantomOs FantomPatricia Mallo
grial-219Grial 219 VV.AA.

VV.AA.

VV.AA.,


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR