Grial 195

VV.AA.

Metropolitanizar. Habitar entre cidades

As cidades son os grandes centros históricos do desenvolvemento, a creación e o crecemento. Os antigos bolseiros da Fundación Barrié de la Maza volveron reunirse para falar da ordenación do territorio na Galicia actual (Diálogos O2). Xa no 2011, a asociación organizara un interesantísimo foro de debate arredor da investigación, as políticas de I+D+i, etc., que recollimos no número 190 da revista. Volvemos repetir a experiencia. Desta vez, o centro de discusión, con equipos de poñentes e contrapoñentes, foi a organización do territorio e, máis concretamente, a significación das cidades e das concentracións urbanas (megalópolis) no futuro das sociedades. Tamén no que atinxe á calidade de vida.

Velaquí un desafío que en certa medida segue a ser unha asignatura pendente entre nós. Segundo a Conferencia Europea de Ministros (Estrasburgo, 1983) e ordenación do territorio é "a excpresión espacial da política económica, social, cultural e ecolóxica das sociedades". Tamén podemos velo ao revés: dime como tes organizado (ou desorganizado) o teu territorio e direiche que problemas tes.
Con estas premisas, tres equipos de antigos bolseiros da Fundación, dirixidos polo catedrático de Economía da Universidade da Coruña e expresidente da Xunta de Galicia, Fernando González Laxe, e coordinados polo arquitecto Antonio García Fernández, apuntan tres grandes liñas de reflexión (pensando en Galicia e pensando no mundo): a posibilidade de cooperación entre poboacións cara a construción de espazos de integración de servizos e centros de crecemento; a gobernanza posible nesas grandes áreas metropolitanas, e a calidade de vida nas mesmas.
Problemas de transporte, problemas de desequilibrio interior, problemas demográficos de crecemento, problemas de formación cualificada e expectativas de traballo, problemas de habitabilidade, etc. Son algunhas das cuestións candentes que están detrás das discusións, sen esquecer outras aínda se cadra máis próximas como a viabilidade do AVE e o transporte rápido, a política portuaria, a posible concentración de municipios, o abandono da área rural, o sentido das Deputacións provinciais…

O número inclúe ademais un importante traballo sobre Celso Emilio Ferreiro e a censura, coa recuperación dun conto inédito e no seu día censurado do libro "A fronteira infunda" (1972), xunto cunha reivindicación documentada da figura de Juan Compañel (1829-1897), o editor de "Cantares Gallegos" de Rosalía de Castro en 1863. Dúas referencias para a conmemoración do Centenario do nacemento de Celso Emilio Ferreiro e o 150 aniversario da edición do libro de Rosalía de Castro, que inaugura o Rexurdimento no século XIX.
Neste último apartado (as celebracións do ano de "Cantares Gallegos") publicamos tamén un importante traballo de Xesús Torres Regueiro sobre o "Conto galego" de Rosalía, moitas veces discutido e non sempre ben datado, única mostra autónoma en prosa da autora de "Follas Novas".

Recensións


Detalles

  • Páxinas : 152
  • Deseño : Rústica
  • Dimensións : 185 x 270 mm.
  • Data Publicación : 2012-10-22
  • Colección : Grial
  • Editorial : Galaxia
  • ISBN :
  • Edición : 1

Noticias relacionadas



Actividades relacionadas

Presentación do GRIAL 1952012-11-08 19:30:00

Novidades

grial-221Grial 221 VV.AA.
estrelecerEstrelecerCarlos Labraña
9788491513308MnemeaXosé Duncan

VV.AA.

VV.AA.,


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR