eume

14,60€

mercar

Eume

César Antonio Molina

Segundo poemario en galego de César Antonio Molina.

O autor recupera as palabras da tribo a través das augas do Eume, no que se reflicten todos os ríos do mundo. O fluír da vida con Galicia como centro: desde a fraga de Caaveiro ao Ganxes, do Éufrates ao Moldava, do Brahmaputa ao Hudson. O río como patria da palabra, cambiante e sinuosa, extensa e contida nas súas marxes, ruído e rumor ao tempo. Da experiencia viaxeira do poeta mana unha obra de depurada expresión, na que lugares, lembranzas e emocións abrollan como literatura en perpetuo movemento.

Recensións


Detalles

  • Páxinas : 146
  • Deseño : Rústica con lapelas
  • Dimensións : 12,5 x 22 cm.
  • Data Publicación : 2007-06-20
  • Colección : Dombate (Poesía)
  • Editorial : Galaxia
  • ISBN : 978-84-7154-095-9
  • Edición : 1

Noticias relacionadas


Obras do autor en catálogo


Actividades relacionadas


Novidades

9788491514800Illados. Diario da pandemiaMaría López SándezMiguel Muñiz
9788491514862SilencioAgustín Agra
o-paraiso-dos-inocentesO paraíso dos inocentesAntón Riveiro Coello

cesarantonio

Molina, César Antonio
César Antonio Molina (A Coruña, 1952) licenciouse en Dereito e en Ciencias da Información. Doctorouse cum laude cun traballo de investigación sobre "La prensa literaria española". Foi profesor da Universidad Complutense de Madrid e da facultade de Humanidades e Periodismo da Universidad Carlos III de Madrid. Durante varios anos coordinou os Cursos de Humanidades da Universidad de Verano de El Escorial.

Entre 1985 e 1996 traballou en Cambio 16 e Diario 16, onde foi Director Adxunto e responsable das páxinas de Cultura y Espectáculos, e dos suplementos Culturas y Libros. En 1996 incorporouse ao Círculo de Bellas Artes de Madrid como Director-Xerente. En maio de 2004 foi nomeado Director do Instituto Cervantes, labor que desempeñou ata o seu nomeamento como Ministro de Cultura en xullo de 2007, cargo no que permaneceu ata 2009. En 2010 a Fundación Germán Sánchez Ruipérez nomeouno como director do seu futuro Centro Internacional para a Investigación, o Desenvolvemento e a Innovación da Lectura

Ten publicado máis de cincuenta libros, como poeta, ensaísta e tradutor. A súa obra poética aparece recollida en numerosas antoloxías e está traducida a varios idiomas. A súa dedicación á lingua e á cultura galega foi permanente. No ano 1988 publicaba os dous tomos de seu ensaio titulado Prensa literaria en Galicia e, tamén en galego, o seu primeiro libro de poemas A fin de Fisterra, cuxa sétima edición leva un prólogo de Arcadio López Casanova. Fixo varias antoloxías bilingües sobre a poesía galega do século XX e edicións sobre autores galegos como Manuel Antonio, Álvaro Cunqueiro, Rafael Dieste e un longo etcétera. En 2007 publicou en Galaxia o poemario Eume.

Entre outros moitos recoñecementos a súa traxectoria, en 2009 recibiu por parte do estado italiano a gran cruz da Orde ao Mérito da República e en 2010 o Premio Europeo Alberico Sala. En 2010 recibiu a Medalla Castelao da Xunta de Galicia.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR