Estás aquí:

Código: 1059

Dúas letras

21,00  IVE INCLUIDO

A película de Eloy Varela e Fina Casalderrey que a inspirou

Esta edición inclúe o DVD (cos seus extras en forma de entrevistas con director, guionista, primeira actriz, making off, localizacións…), o texto literario, e dous traballos sobre a emigración galega a América, a cargo de Víctor F. Freixanes, e outro sobre a correspondencia entre as dúas beiras atlánticas escrito por Francisco Castro.

Dúas letras gravita en torno a carta que non dá chegado, a misiva do fillo que está na emigración, pelexando co destino e a sorte, e a nai que espera a chegada da carta que lle dará, ademais de novas, algo de esperanza. Os autores foron quen de construir unha historia visualmente moi poderosa, rodada en branco e negro para suliñar a viaxe no tempo que nos propón, chea de tenrura e dureza. Un poema cinematográfico que está a engaiolar alí onde é representada.

A xeira de recoñecementos comezaba no Festival de Cine de Bueu-2011, onde era galardoada co Premio do Público. No 2012 recibiu o premio á mellor curta de ficción no Festival Primavera do Cine de Vigo e, no cada día máis prestixioso festival de Cans, Dúas letras obtiña tres premios dos grandes. Por unha banda, os veciños déronlle o premio como Mellor Curtametraxe de Ficción, segundo recolle a acta: "porque é unha historia do mundo rural moi próxima coa que todos nos sentimos identificados. Tamén pola súa delicadeza ao presentar o sufrimento dunha nai que espera as cartas do seu fillo e porque todos coñecemos a historia dunha carta que estivemos esperando e nunca chegou". Igualmente, recibiu o premio do público á mellor curtametraxe de ficción, e, para rematar, un dos máis cobizados: o Premio do xurado á mellor interpretación feminina, dotado co Can de Pedra a Teresa Fraga, a protagonista. Segundo sinalou o xurado: "por ser un traballo veraz e emotivo. Nunca unha carta non escrita foi tan ben lida".

Comparte nas túas redes sociais ou por email

Detalles do libro

Páxinas: 48
Deseño: Capa dura
Data Publicación: 02/08/2012
Dimensións 135 x 245 mm. mm.
Colección: Libros singulares e fora de colección
Nº na colección:
Edición: 2ª
Editorial: Galaxia
ISBN: 978-84-9865-432-5
Observacións:

Novas relacionadas con este libro

AUTORES/AS

Varela, Eloy
eloy

Eloy Varela Caseiro naceu na Barrela, na provincia de Lugo, e alí viviu ata a súa adolescencia. O ritual do cine ambulante espertou nel unha curiosidade que anos máis tarde ía satisfacer. Soñar co cine no rural galego dos anos cincuenta era una utopía, así que antes do celuloide chegou a álxebra. Licenciouse na Facultade de Matemáticas da Universidade de Santiago de Compostela no ano 1977. Comezou deste xeito o seu percorrido por diferentes centros galegos de ensino e tamén fixo efectiva a súa afición pola creación cinematográfica .

Realizou as súas primeiras películas en Super 8. A estrea produciuse en 1982 cunha curtametraxe de terror titulada 'Calquera día'. Tamén desenvolveu un importante traballo documental, como a fita 'Cariño, un pobo marxinado', documental sobre a loita do concello de Cariño (A Coruña) por se segregar do de Ortigueira (1986).

Coa escritora Fina Casalderrey, ademais deste 'Dúas letras', filmou o drama 'Garuda' no ano 2010.

Alén destes proxectos, traballa no eido da infografía en 3D e na dirección e producción de videos musicais. Compaxina esta labor coa súa docencia no IES Illa de Tambo de Marín.

As súas obras

Dúas letras
duas
21.00€ CON IVE
Casalderrey, Fina
Fina Casalderei

Fina Casalderrey (Xeve, Pontevedra, 1952) é unha das escritoras máis recoñecidas, traducidas e premiadas no ámbito da literatura infantil e xuvenil galega. Deuse a coñecer con Mutacións xenéticas (1991), novela á que seguirían, entre outros títulos, Dúas bágoas por máquina (1992, premio Merlín), Chamizo (1994), ¡Asústate, Merche! (1995), O misterio dos fillos de Lúa (1995, Premio Nacional de Literatura Infantil e Xuvenil), O estanque dos parrulos pobres (1996, premio Edebé), ¡Prohibido casar, papá! (1996), ¿Sobrevives? (1996), ¡Puag, que noxo! (1997), O misterio do cemiterio vello (1999), Bicos de prata (2000) e A máscara de palma (2000).

A narrativa de Casalderrey distínguese pola súa agudeza na observación e recreación do mundo dos adolescentes, polo realismo dos seus personaxes e situacións e por un ritmo capaz de converter calquera asunto cotián nun relato de suspense.

En 2013 foi nomeada académica de número da RAG e recoñecida pola Asociación Galega de Editores como Autora do Ano 2012, así como por Gálix como Socia de Honra.
En 2015 recibiu o Premio da Cultura Galega na modalidade de Letras.

As súas obras

Lingua guapa. Cantos que contan...
9788491514558
20.00€ CON IVE

COLECCIÓN

Libros singulares e fora de colección

120 anos de ciclismo galego
ciclismo
42.20€ CON IVE
A batalla de Rande. Mapas e gravados (1699-1715)
batalla de rande
41.60€ CON IVE
A bela Otero, pioneira do cine
a bela otero
24.15€ CON IVE
A berenguela
A berenguela
20.75€ CON IVE
A familia de Pascual Duarte (Facsímil)
A familia de Pascual Duarte (Facsímil)
22.00€ CON IVE
A música da terra
a musica da terra
descatalogado
A volta do xove Príncipe
A volta do Xove Príncipe
14.55€ CON IVE
Anthology of Galician Literature / Antoloxía da literatura galega. 1196-1981
alg
27.30€ CON IVE