Estás aquí:

Código: 2717

Baixo o signo da bipolaridade. A poesía de María Mariño Carou

Sánchez Ferraces, Xosé Luís

22,60 € IVE INCLUIDO

Despois de ler esta monografía de Xosé Luís Sánchez Ferraces entendemos mellor, moito mellor, aquela muller que se fixo poeta nas terras do Courel, onde, durante vinte anos, soportou as súas depresións, que foi a materia do seu canto. Escribíndoas, escribíndose, definíase e foi sobrevivindo.

Dese universo escuro e fondo fala con pericia e eficacia este libro do profesor Sánchez Ferraces, filólogo sempre, incluso nos momentos en que se nos mostra como un experto en saberes psicanalíticos, imprescindibles para internarse na floresta sombriza e mesta dos versos de María Mariño. Por se fose pouco —aquí a eficacia—, esta reveladora monografía está escrita, sempre, con rigor e co xeito literario impropio da aridez de tantos estudos. (Do limiar de Xesús Alonso Montero)

Comparte nas túas redes sociais ou por email

Detalles do libro

Páxinas: 248

Deseño: Rústica con lapelas

Data Publicación:

Dimensións 135 x 210 mm.

Colección: Ensaio

Nº na colección: 96

Edición: 1ªª

Editorial: Galaxia

ISBN: 978-84-9151-392-6

Observacións:

AUTORES/AS

Sánchez Ferraces, Xosé Luís

Xosé Luís Sánchez Ferraces (San Xoán de Filgueira, Ferrol, 1946) cursou a carreira de Filosofía e Letras na Universidade de Santiago de Compostela. En 1972 obtivo a licenciatura en Filoloxía Románica e posteriormente o Grao na mesma coa defensa da tese de licenciatura titulada “Introdución á lectura d’A Coutada de Vicente Risco”.

Profesor de lingua e literatura galegas, exerceu o seu labor docente na Universidade de Santiago de Compostela como profesor adxunto interino e na Universidade de Vigo como profesor titular de Escolas Universitarias na área de “Filoloxías galega e portuguesa”. As súas investigacións céntranse na análise e interpretación de textos narrativos e poéticos tanto de escritores galegos (Rosalía de Castro, Vicente Risco, Castelao, Celso E. Ferreiro, Carlos Casares) como de escritores portugueses (José Gomes Ferreira, José Saramago, Mário de Sá-Carneiro) e hispanoamericanos (Julio Cortázar). Desempeñou o cargo de secretario do Boletín Galego de Literatura desde 1989, ano da súa creación, ata 1992 e logo, durante un tempo, foi membro do seu Consello de Redacción.