anuario 2005

12,00€

mercar

Anuario Grial de Estudos Literarios Galegos 2005

VV.AA.

Un ano máis, un equipo de estudosos da nosa literatura, dirixido por Dolores Vilavedra, nos ofrece un completo análise do estado da cuestión.

O Anuario 2005 comeza cunha análise da complexa estrutura da obra Bretaña, Esmeraldina de Xosé Luís Méndez Ferrín, a cargo de Anxo Angueira, dentro da sección Estudos. Nesta mesma sección atopamos o interesante artigo de Olga Castro Vázquez sobre "As traducións da literatura galega no Reino Unido", no seu contexto máis recente (de 1995 a 2005).

Tamén nesta sección, Dorinda Rivero Pedrero fai un fermosísimo estudo sobre as "Reminiscencias pictóricas do Quattrocento e do Cinquecento no universo literario de Álvaro Cunqueiro", de como determinados temas pictóricos se repiten de xeito recorrente na súa obra.

Manuel Forcadela abre a sección de Panóramicas cun estudo sobre o ensaio galego no ano 2005. José Álvaro Álvarez e Isabel Soto reflexionan sobre o panorama literario infantil e xuvenil do pasado 2005, que fala dun sector estable e consolidado. Dolores Vilavedra leva a cabo unha xeira de profundización na narrativa deste mesmo ano, o mesmo que Helena González Fernández en poesía, e Roberto Pascual co teatro. No ámbito da literatura medieval, Leticia Eirín García fai unha aproximación aos títulos aparecidos en 2005 sobre este tema.

Nas reseñas de libros atopamos críticas arredor de obras como As terceiras mulleres de María do Cebreiro Rábade Villar, As galeras de Normandía de Ramón Loureiro, Herba Moura de Teresa Moure, ou Nas catacumbas de Xavier Alcalá.

Recensións


Detalles

  • Páxinas : 228
  • Deseño : Rústica
  • Dimensións : 18,5 x 27 cm
  • Data Publicación : 2006-12-28
  • Colección : Anuario Grial de Estudos Literarios Galegos
  • Editorial : Galaxia
  • ISBN :
  • Edición : 1

Noticias relacionadas



Actividades relacionadas


Novidades

9788491514015Os jeans de MaríaLois Alcayde Dans
9788491514046CarruselBerta Dávila
a-fraga-do-meu-avoA fraga do meu avo Mamá Cabra
na-metade-da-noiteNa metade da noiteLuis Marcelo Pérez

VV.AA.

VV.AA.,


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR